1 مامىر – قازاقستان حالقىنىڭ بىرلىگى كۇنىنە وراي تۇركىستان قالاسىنداعى «كەرۋەن ساراي» تۋريستىك كەشەنىندە مەرەكەلىك ءىس-شارا ۇيىمداستىرىلدى.
سالتاناتتى شاراعا تۇركىستان وبلىسىنىڭ اكىمى نۇرالحان كوشەروۆ قاتىسىپ، جۇرتشىلىقتى بىرلىك پەن كەلىسىم مەرەكەسىمەن قۇتتىقتادى. 
– بۇل مەرەكە – ەلىمىزدەگى تاتۋلىق پەن تۇراقتىلىقتىڭ جارقىن كورىنىسى. بىرلىك – ءبىزدىڭ باستى بايلىعىمىز، بولاشاعىمىزدىڭ كەپىلى. مەملەكەت باسشىسى قاسىم-جومارت توقاەۆ: ء«ار ازاماتتىڭ ءبىر-بىرىنە تىلەۋلeستىگى ارقىلى بۇكىل ۇلتتىڭ تۇتاستىعىن تانىتا بىلدىك. قازاقستان حالقى تاريحتىڭ كۇردەلى كەزەڭىندە جۇرت بولىپ جۇمىلىپ، تابىسقا جەتە الاتىنىن تاعى دا دالەلدەدى» دەگەن بولاتىن. قيىن زامانداردا قازاق ەلى ءتۇرلى ەتنوستارعا پانا بولىپ، تاعدىر تالكەگىمەن كەلگەن جۇرتتى باۋىرىنا باستى. سونىڭ ناتيجەسىندە مەملەكەتىمىزدە بىرلىگى جاراسقان قوعام قالىپتاستى. سوندىقتان ەلىمىز ءۇشىن بۇل مەرەكەنىڭ ءمانى زور. تۇركىستان وبلىسىندا 2 ملن 200 مىڭعا جۋىق حالىق تۇرادى. بەرەكەلى وڭىرىمىزدە 50-دەن استام ەتنوس وكىلدەرى ءبىر شاڭىراق استىندا تاتۋ-ءتاتتى ءومىر سۇرۋدە. وڭىرىمىزدە وبلىستىق قازاقستان حالقى اسسامبلەياسى جانىنداعى 6 قۇرىلىم مەن 11 ەتنومادەني بىرلەستىك بەلسەندى قىزمەت اتقارۋدا. ءبىزدىڭ بىرلىگىمىز بەن بەرەكەلى تىرلىگىمىز تۇركىستان ءوڭىرىن دامىتۋعا باستايدى. وسى رەتتە، تاياۋدا تۇركىستاندا تۇركى مەملەكەتتەرى پرەزيدەنتتەرىنىڭ ماڭىزدى جيىنى وتەتىنىن ماقتانىشپەن ايتا كەتكەن ءجون. مۇنداي اۋقىمدى جيىندار وبلىستى دامىتىپ، تۇركىستاندى تانىتۋعا سەرپىن بەرەتىنى ءسوزسىز. وسى ايتۋلى كۇنى بارشاڭىزعا زور دەنساۋلىق، وتباسىلارىڭىزعا اماندىق، جۇمىستارىڭىزعا تابىس تىلەيمىن! ەلىمىزدە ءاردايىم تىنىشتىق پەن بەيبىتشىلىك سالتانات قۇرا بەرسىن! – دەدى وبلىس اكىمى نۇرالحان كوشەروۆ.
مەرەكە بارىسىندا وبلىستىڭ الەۋمەتتىك-ەكونوميكالىق دامۋىنا سۇبەلى ۇلەس قوسىپ، ۇزاق جىلدار بويى ادال ءارى جەمىستى ەڭبەك ەتىپ جۇرگەن ەتنومادەني بىرلەستىك وكىلدەرى ماراپاتتالدى.
ءىس-شارا اياسىندا جەرگىلىكتى ونەرپازدار قاتىسۋىمەن كونتسەرت ۇيىمداستىرىلىپ، كورەرمەندەرگە كوتەرىڭكى كوڭىل-كۇي سىيلادى. ساحنا تورىندە «جاڭا لەپ» ونەر ۇجىمى، «فاراب» بي ءانسامبلى، «سەمسەر» توبى، گۇلنۇر نۇراتاەۆا، مادينا بەكبولات، قۇرالاي قاسىموۆا، «اي-دانا» دۋەتى، ايدار دوسىمجان، ءاسيما تىلەكتەس جانە «ارناۋ» توبى ونەر كورسەتتى. ءان مەن جىرعا تولى كەش بارىسىندا حالقىمىزدىڭ بىرلىگى، دوستىعى مەن مادەني ىنتىماقتاستىعى كەڭىنەن دارىپتەلدى.
ايتا كەتسەك، وڭىردە «زاڭ مەن ءتارتىپ»، «بەيبىتشىلىك پەن كەلىسىم»، «ادال ازامات»، «مادەنيەتتى انا – مادەنيەتتى ۇلت»، «سالاۋاتتى سانا» جوبالارى اياسىندا تاربيەلىك ماڭىزى بار ءىس-شارالار جۇزەگە اسىرىلىپ كەلەدى. اسسامبلەيا مۇشەلەرى «تازا قازاقستان» باعدارلاماسىنا، وزگە دە اكتسيالارعا بەلسەندى قاتىسۋدا. قۇرىلىم اياسىندا ەتنومادەني بىرلەستىكتەر، اقساقالدار كەڭەسى، انالار كەڭەسى، مەدياتسيا ينستيتۋتى، عىلىمي-ساراپتامالىق توپ جانە جاستار ۇيىمدارى جەمىستى ەڭبەك ەتىپ ءجۇر. قازىرگى تاڭدا وبلىستا ەكونوميكالىق، ينۆەستيتسيالىق، تۋريستىك الەۋەتى كوتەرىلۋدە. بۇل جەتىستىكتەر – تۇتاس حالقىمىزدىڭ بىرلىگى مەن ىنتىماعىنىڭ ارقاسى.
