ساۋران اۋدانىندا ورنالاسقان جيھاز تسەحىندا ءىرى ءورت شىقتى، دەپ حابارلايدى "ادىرنا" ۇلتتىق پورتالى.
قۇتقارۋشىلار وقيعا ورنىنا جەتكەن كەزدە عيماراتتىڭ شاتىرى تولىقتاي دەرلىك جانىپ جاتقان. ءورتتىڭ اۋقىمىنا بايلانىستى وعان بىردەن جوعارى دارەجەلى رانگ بەرىلگەن.
توتەنشە جاعدايلار دەپارتامەنتىنىڭ مالىمەتىنشە، ءورتتى سوندىرۋگە 110-نان استام ادام مەن 22 تەحنيكا جۇمىلدىرىلدى. ولاردىڭ قاتارىندا قۇتقارۋشىلار، جەرگىلىكتى اكىمدىك قىزمەتكەرلەرى جانە اپاتتار مەديتسيناسى ورتالىعىنىڭ ماماندارى بولدى.
ء"ورت تولىقتاي ءسوندىرىلدى. جالىن شامامەن 1300 شارشى مەتر اۋماقتى قامتىدى. زارداپ شەككەندەر جوق", – دەپ حابارلادى تۇركىستان وبلىستىق تجد.
ۇقساس جاڭالىقتار
