ارىستانبەك مۇحامەديۇلىن قاماۋدا ۇستاۋ مەرزىمى تاعى 1 ايعا ۇزارتىلدى. بۇل تۋرالى استانا قالاسىنىڭ مامانداندىرىلعان اۋدانارالىق تەرگەۋ سوتىنا مالىمدەدى، دەپ حابارلايدى “ادىرنا” ۇلتتىق پورتالى.
«20 جەلتوقساندا استانا قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى ا.مۇحامەديۇلىنا قاتىستى بەلگىلەنگەن كۇزەتپەن ۇستاۋ تۇرىندەگى بۇلتارتپاۋ شاراسىنىڭ مەرزىمىن 1 ايعا ۇزارتتى»، - دەلىنگەن استانا قالاسىنىڭ مامانداندىرىلعان اۋدانارالىق تەرگەۋ سوتىنىڭ حابارلاماسىندا.
ەسكە سالايىق، بيىل 29 مامىردا ارىستانبەك مۇحامەديۇلى بيۋدجەت قاراجاتىن جىمقىردى دەگەن كۇدىكپەن قاماۋعا الىندى.
انتيكور ۇلتتىق مۋزەيدىڭ بۇرىنعى باسشىسىنا «التىن ادامنىڭ الەم مۋزەيلەرىنە شەرۋى» حالىقارالىق كورمەسىن وتكىزۋ جونىندەگى مەملەكەتتىك ساتىپ الۋ تۋرالى شارت اياسىندا 146 ميلليون تەڭگە سوماسىندا بيۋدجەت قاراجاتىن جىمقىردى دەگەن ايىپ تاقتى. كەيىن ەلىمىزدىڭ ىشكى ىستەر مينيسترلىگى ارىستانبەك مۇحامەديۇلىنىڭ «سۋيتسيد ارەكەتىنە» قاتىستى تۇسىنىكتەمە بەرگەن ەدى.
