چەحياعا ەۋرووداققا كىرمەيتىن ەلدەر اراسىنان، سونىڭ ىشىندە ەنەرگيا رەسۋرستارىن جەتكىزۋشىلەر قاتارىنان سەنىمدى ءارى تۇراقتى سەرىكتەستەر قاجەت. بۇل تۋرالى ەلدىڭ پرەمەر-ءمينيسترى اندرەي بابيش مالىمدەدى، دەپ حابارلايدى «ادىرنا» ءتىلشىسى ريا نوۆوستيگە سىلتەمە جاساپ.
«قۇرامىندا چەحيانىڭ بىرقاتار ءىرى كومپانيالارىنىڭ باسشىلارى بار دەلەگاتسيامىز ەۋروپادان تىس ءتورت كۇندىك ساپارمەن ازەربايجان، قازاقستان جانە وزبەكستانعا بارادى. بۇل ەلدەردەن چەحياعا مۇناي مەن گاز جەتكىزۋ ماسەلەسى بويىنشا كەلىسسوزدەر ماڭىزدى ءرول اتقارادى»، – دەدى ۇكىمەت باسشىسى.
ايتۋىنشا، بيزنەس-دەلەگاتسيا قۇرامىنا ەنەرگەتيكا، كولىك، ماشينا جاساۋ جانە قورعانىس سالالارىنداعى شامامەن 50 ءىرى چەح كومپانياسى مەن كاسىپورنىنىڭ باسشىلارى كىرەدى.
بيزنەس-فورۋمدارعا قاتىسۋدان بولەك، بابيش اتالعان ءۇش ەلدىڭ جوعارى باسشىلارىمەن كەزدەسۋدى جوسپارلاپ وتىر. سونداي-اق حابارلامادا سەيسەنبى كۇنى چەحيا پرەمەرى استانادا قازاقستاندىق ارىپتەسى ولجاس بەكتەنوۆپەن كەلىسسوزدەر جۇرگىزەتىنى، ال سارسەنبىدە قازاقستان پرەزيدەنتى قاسىم-جومارت توقاەۆتىڭ قابىلداۋىندا بولاتىنى ايتىلعان.
