5 ناۋرىز كۇنى وزبەكستان پرەزيدەنتى شاۆكات ميرزيوەۆ ازەربايجان پرەزيدەنتى يلحام اليەۆپەن تەلەفون ارقىلى سويلەستى، دەپ حابارلايدى "ادىرنا" ۇلتتىق پورتالى.
كەزدەسۋ بارىسىندا وزبەكستان باسشىسى يران تاراپىنان ازەربايجانعا ۇشقىشسىز ۇشۋ اپپاراتتارى ارقىلى جاسالعان شابۋىلداردى قاتاڭ ايىپتاپ، رەسمي تاشكەنتتىڭ باكۋدى تولىق قولدايتىنىن جەتكىزدى. ول وزبەكستان ءاردايىم ازەربايجانمەن بىرگە ەكەنىن اتاپ ءوتتى.
ءوز كەزەگىندە يلحام اليەۆ ارىپتەسىنە قولداۋ بىلدىرگەنى ءۇشىن العىس ايتتى. ازەربايجان پرەزيدەنتى بولعان وقيعا جونىندە اقپارات بەرىپ، قازىرگى ۋاقىتتا جاعداي تولىق باقىلاۋدا ەكەنىن مالىمدەدى.
اڭگىمە بارىسىندا تاراپتار ەكى ەل اراسىنداعى دوستىق، باۋىرلاستىق جانە وداقتاستىق قاتىناستاردى ودان ءارى دامىتۋ پەرسپەكتيۆالارىن تالقىلادى.
مەملەكەت باسشىلارى ازەربايجان مەن وزبەكستان الداعى ۋاقىتتا دا ءبىر-ءبىرىن تۇراقتى تۇردە قولداي بەرەتىنىن تاعى دا راستادى.
