قاراعاندى وبلىسىندا قاراعاندى قالاسىنىڭ مەكتەپتەرىندە ازاماتتىق تالىمگەرلىكتىڭ جارقىن ءارى ماڭىزدى جوباسىنا باستاۋ بەرىلدى.
جاڭا جوبا مەكتەپتى، قوعامدى جانە ارداگەر-تالىمگەرلەردى ورتاق ماقسات — زاڭعا باعىنۋ، ادىلدىك پەن ازاماتتىق كەمەلدىك سانالى ومىرلىك تاڭداۋ مەن قالىپتى قۇندىلىققا اينالاتىن ۇرپاقتى تاربيەلەۋ جولىندا بىرىكتىرەتىن ماڭىزدى باستاما بولۋعا باعىتتالعان. بۇگىنگى تاڭدا بۇل باستاما قالاداعى كوپتەگەن مەكتەپتەردە جۇزەگە اسىرىلىپ، 1500-دەن استام وقۋشىنى قامتىپ وتىر.
بۇل باستاما «زاڭ مەن ءتارتىپ» يدەولوگياسىن ىلگەرىلەتۋدىڭ ماڭىزدى بولىگىنە اينالىپ، وسكەلەڭ ۇرپاقتىڭ قۇقىقتىق مادەنيەتىن، ازاماتتىق جاۋاپكەرشىلىگىن جانە بەلسەندى ومىرلىك ۇستانىمىن قالىپتاستىرۋ جولىنداعى تاعى ءبىر قادام بولدى.
جوبانىڭ باستى ماقساتى — وقۋشىلارعا زاڭ، ادىلدىك جانە جاۋاپكەرشىلىك تۋرالى جاي عانا ايتىپ قويۋ ەمەس، كەرىسىنشە، ديالوگ، جەكە ۇلگى جانە تالىمگەرلىك ارقىلى ولاردىڭ بويىندا بەرىك ادامگەرشىلىك قۇندىلىقتاردى، زاڭعا قۇرمەتتى جانە قۇقىقتىق ءتارتىپتىڭ ماڭىزىن ءتۇسىنۋدى قالىپتاستىرۋ.
بۇگىندە بالالاردىڭ جانىندا قوعامعا قىزمەت ەتۋدىڭ، ابىرويدىڭ، ءتارتىپ پەن جاۋاپكەرشىلىكتىڭ ءمانىن تەرەڭ تۇسىنەتىن ادامداردىڭ بولۋى وتە ماڭىزدى.
جوبا قازاقستان رەسپۋبليكاسى باس پروكۋرورى تاراپىنان وڭ باعالانىپ، ونى جۇزەگە اسىرۋ تاپسىرىلدى.
قاراعاندى وبلىسىندا بۇل ماڭىزدى ميسسيانى پروكۋراتۋرا ورگاندارىنىڭ جانە قۇقىق قورعاۋ جۇيەسىنىڭ ارداگەر-تالىمگەرلەرى، ءبىلىم بەرۋ سالاسىنىڭ وكىلدەرى مەن قوعام بەلسەندىلەرى قولدادى.
باستاما وقۋشىلاردىڭ قوعامدىق ساناسىن قالىپتاستىرۋعا، بۋللينگتىڭ، زورلىق-زومبىلىقتىڭ جانە قۇقىق بۇزۋشىلىقتاردىڭ الدىن الۋعا، ولاردىڭ تۇلعالىق الەۋەتىن دامىتۋعا، سونداي-اق قاۋىپسىز، سەنىمدى ءارى ءار بالانى قولدايتىن ءبىلىم بەرۋ ورتاسىن قالىپتاستىرۋعا باعىتتالعان.
ازاماتتىق تالىمگەرلىك — بۇل تاجىريبە مەن بولاشاقتىڭ، قاعيداتتار مەن ءىس-ارەكەتتەردىڭ، ءسوز بەن جەكە ۇلگىنىڭ اراسىن جالعايتىن كوپىر.
جاڭا جوبا مەكتەپتى، قوعامدى جانە ارداگەر-تالىمگەرلەردى ورتاق ماقسات — زاڭعا باعىناتىن، ادىلدىك پەن ازاماتتىق كوزقاراستى ۇستاناتىن ۇرپاقتى تاربيەلەۋ جولىندا بىرىكتىرەتىن ماڭىزدى باستاماعا اينالماق.
