بيىل نۇر-سۇلتاندا 2019 جىلمەن سالىستىرعاندا ەكى ەسە كوپ مەكتەپ سالىنادى. 2020 جىلى 12 مەكتەپ پايدالانۋعا بەرىلىپ، تاعى 12 مەكتەپتىڭ قۇرىلىسىن باستاۋ جوسپارلانىپ وتىر.بۇل تۋرالى نۇر-سۇلتان قالاسى اكىمدىگىنىڭ رەسمي سايتىنا سىلتەمە جاساپ، adyrna.kz حابارلايدى.
مەكتەپتەر سۇرانىسقا يە. 20 مىڭنان استام وقۋشى ورنى قۇرىلادى. (ەكى اۋىسىمدا-40 مىڭنان استام وقۋشى ورنى). ەلوردا اكىمى التاي كولگىنوۆ مايقايىڭ مەن ا351 كوشەلەرىنىڭ قيىلىسىندا ورنالاسقان مەكتەپتىڭ قۇرىلىسىمەن تانىستى.
مەكتەپ 1200 ورىنعا ەسەپتەلگەن، 2021 جىلى پايدالانۋعا بەرىلەدى.
"قالادا حالىق سانىنىڭ وسۋىنە وراي الەۋمەتتىك نىساندارعا جۇكتەمە ارتىپ كەلەدى. قازىر ءۇش اۋىسىمدا وقىتىپ جاتقان مەكتەپتەر بار. ءۇش اۋىسىمدى وقىتۋ ماسەلەنىن شەشۋ ءۇشىن جىلىنا كەم دەگەندە 10 مەكتەپ سالۋ قاجەت. بيىل 12 مەكتەپ جانە 2021 جىلى تاعى سونشا مەكتەپ سالىنادى. قۇرىلىس جۇمىستارى ءتيىستى دەڭگەيدە جۇرگىزىلىپ، اباتتاندىرۋ ماسەلەلەرىن الدىن الا شەشۋ قاجەت. قۇرىلىس جۇمىستارىن جۇرگىزگەن كەزدە سانيتارلىق نورمالار قاتاڭ ساقتالۋى كەرەك", - دەدى قالا اكىمى التاي كولگىنوۆ.
مەكتەپ قۇرىلىسىنا جەكە ينۆەستورلار دا قاتىسىپ جاتىر. كەشەندى جوسپار اياسىندا 5 جىل ىشىندە 60 مىڭ ورىندىق 50 مەكتەپ (ونىڭ ىشىندە 10 مەكتەپ قازىرگى تاڭدا جۇمىس جاساپ تۇرعان مەكتەپتەردىڭ اۋماعىندا) سالۋ جوسپارلانعان.
بۇل ەكى اۋىسىمدا 120 مىڭعا جۋىق وقۋشى ورنىن قۇرۋعا مۇمكىندىك بەرەدى.
