Moŋǧoliianyŋ Baian-Ölgei aimaǧynda Qazaqstannyŋ konsuldyq mekemesı aşylmaq, dep habarlaidy "Adyrna" ūlttyq portaly Aqordaǧa sıltep.
Būl şeşım ekı el basşylarynyŋ kezdesuınde talqylandy.
Memleket basşysy Qasym-Jomart Toqaev Moŋǧoliia prezidentı Uhnaagiin Hurelsühpen jürgızılgen kezdesudıŋ nätijelı ötkenın atap öttı. Onyŋ aituynşa, taraptar saiasi-ekonomikalyq, mädeni-gumanitarlyq jäne özge de salalardaǧy yntymaqtastyqty odan ärı damytuǧa uaǧdalasqan.
«Bız ekıjaqty qarym-qatynastyŋ barlyq baǧyty boiynşa mazmūndy ärı nätijelı kelıssözder jürgızdık. Atap aitqanda, Moŋǧoliianyŋ Baian-Ölgei aimaǧynda Qazaqstannyŋ konsuldyq mekemesın aşu turaly özara kelısımge keldık», – dedı Toqaev.
Prezident būl şeşımdı tarihi tamyry ortaq, bauyrlas halyqtar arasyndaǧy strategiialyq serıktestıktı nyǧaitatyn maŋyzdy qadam retınde baǧalady.
«Būl – moŋǧol elınıŋ qazaq halqyna degen ızgı nietı men şynaiy dostyq köŋılınıŋ aiqyn körınısı. Bız būl şeşımdı joǧary baǧalaimyz. Prezident Hurelsüh myrzaǧa zor alǧysymdy bıldıremın», – dedı ol.
