قازاقستاندا نەكە ينستيتۋتىن ەر مەن ايەلدىڭ ەرىكتى تۇردە قۇرىلاتىن، مەملەكەتتىك مەكەمەدە رەسمي كۋالاندىرىلاتىن وداق رەتىندە زاڭنامالىق تۇرعىدا بەكىتۋ قاجەت، دەپ حابارلايدى "ادىرنا" ۇلتتىق پورتالى.
بۇل تۋرالى پرەزيدەنت قاسىم-جومارت توقاەۆ ۇلتتىق قۇرىلتايدىڭ V وتىرىسىندا ايتتى.
پرەزيدەنتتىڭ سوزىنشە، مەملەكەت ءداستۇرلى مادەني قۇندىلىقتاردى قورعاۋعا جانە دەسترۋكتيۆتى، ازعىن ارەكەتتەردى ناسيحاتتاۋعا قارسى تۇرۋعا مىندەتتى.
«قوعامدا نەكە ينستيتۋتىن ەر مەن ايەلدىڭ ەرىكتى تۇردە قۇرىلاتىن، مەملەكەتتىك مەكەمەدە رەسمي كۋالاندىرىلاتىن وداعى رەتىندە زاڭنامالىق تۇرعىدا نىعايتۋ قاجەت. الايدا مەملەكەتتىڭ رەسمي ۇستانىمىنا سايكەس كەلمەيتىن كوزقاراس ءۇشىن ەشقانداي جاعدايدا قىلمىستىق قۋدالاۋعا دا، مورالدىق كەمسىتۋشىلىككە دە جول بەرىلمەۋگە ءتيىس. مەملەكەتتىڭ ۇستانىمىن مىناداي فورمۋلامەن تۇيىندەۋگە بولادى: ءار ازاماتتىڭ تاڭداۋ جاساۋعا قۇقىعى بار، بىراق بۇل تاڭداۋدى ەشكىمگە كۇشپەن تاڭۋعا بولمايدى»، – دەدى توقاەۆ.
ايتا كەتەيىك، قىزىلوردادا پرەزيدەنتتىڭ توراعالىعىمەن ۇلتتىق قۇرىلتايدىڭ بەسىنشى وتىرىسى ءوتىپ جاتىر.
