سولتۇستىك قازاقستان وبلىسىنىڭ جاڭا اكىمى عاۋەز نۇرمۇحامبەتوۆ Instagram جەلىسىندەگى پاراقشاسىندا تۇرعىندارعا ۇندەۋ جاسادى، دەپ حابارلايدى «ادىرنا» ءتىلشىسى.
«پرەزيدەنتتىڭ جارلىعىمەن سولتۇستىك قازاقستان وبلىسىنىڭ اكىمى قىزمەتىنە تاعايىندالدىم. ماعان مەملەكەت باسشىسى قاسىم-جومارت توقاەۆ ۇلكەن سەنىم ءبىلدىرىپ وتىر. قولداۋ تانىتقان ءماسليحات دەپۋتاتتارىنا العىس ايتامىن. مەن بار تاجىريبەمدى، ءبىلىمىم مەن كۇش-جىگەرىمدى پرەزيدەنت جۇكتەگەن مىندەتتەردى ورىنداۋعا، وبلىس ەكونوميكاسىن دامىتۋعا جانە تۇرعىنداردىڭ ءال-اۋقاتىن جاقسارتۋعا جۇمسايتىن بولامىن. سىزدەرمەن بىرلەسىپ اتقارعان جۇمىستىڭ جەمىستى بولاتىنىنا سەنىمدىمىن»،—دەدى ول.
وبلىس باسشىسى پەتروپاۆل قالاسى، اۋداندار اكىمدەرى جانە باسقارما باسشىلارىمەن جەدەل كەڭەس وتكىزگەنىن اتاپ ءوتتى.
«ءبىزدىڭ الدىمىزدا وبلىسىمىزدىڭ ەكونوميكاسىن ودان ءارى دامىتۋ مىندەتى تۇر. جيىن بارىسىندا باسشىلارعا استىق جيناۋ ناۋقانىن ۋاقىتىلى وتكىزىپ، جىلىتۋ ماۋسىمىنا باسا نازار اۋدارۋدى تاپسىردىم. سونداي-اق وڭىردەگى ينفراقۇرىلىمدىق جوبالاردى اياقتاۋ، بيۋدجەت قاراجاتىن يگەرۋ جانە ينۆەستيتسيا تارتۋ ماسەلەلەرى دە ەرەكشە باقىلاۋدا»،—دەدى اكىم.
