اتىراۋ قالالىق پوليتسيا باسقارماسىنىڭ بۇرىنعى باسشىسى باقىتبەك يساەۆ ەكى ايعا تەرگەۋ يزولياتورىنا قامالدى. بۇل تۋرالى «اق جايىق» باسىلىمى جازدى، دەپ حابارلايدى "ادىرنا".
باقىتبەك يساەۆ 15 ءساۋىر كۇنى ۇستالعان ەدى. ەندى سوت وعان قاتىستى بۇلتارتپاس شاراسى تۋرالى شەشىم شىعارىپ وتىر.
«اق جايىق» دەرەككوزدەرىنىڭ مالىمەتىنشە، تەرگەۋشىلەر كۇدىكتىنىڭ قىزمەت بابىن اسىرا پايدالانۋ فاكتىسىن تەكسەرىپ جاتىر.
«ونىڭ ارەكەتتەرىنە قاتىستى تۇپكىلىكتى قۇقىقتىق باعا رەسمي تۇردە جاريالانعان جوق. الدىن الا مالىمەت بويىنشا، تەرگەۋ ءىسى ەسىرتكى زاتتارىنا بايلانىستى، ولار قىلمىستىق ىستەردە ايعاق رەتىندە تىركەلگەن»، –دەلەنگەن باسىلىم جازباسىندا.
اتالعان ىستە تاعى 17 ادامنىڭ ەسىمى اتالدى. ولاردىڭ اراسىندا قىلمىستىق ىستەر مەن ايعاق زاتتارمەن جۇمىس ىستەگەن پوليتسيا قىزمەتكەرلەرى دە بار.
«اق جايىق» وبلىستىق ەسىرتكى قىلمىستارىنا قارسى كۇرەس باسقارماسىنىڭ باستىعى الىشەر نۇرشاەۆ پەن دەپارتامەنتتىڭ ىشكى قاۋىپسىزدىك باسقارماسىنىڭ باستىعى سالامات قاليەۆتى اتاپ ءوتتى.
تەرگەۋدىڭ ناقتى ءمان-جايى مەن باسقا دا كۇدىكتىلەردىڭ پروتسەسسۋالدىق مارتەبەسى ازىرگە رەسمي تۇردە جاريالانعان جوق
