Atyrau qalalyq polisiia basqarmasynyŋ būrynǧy basşysy Baqytbek İsaev ekı aiǧa tergeu izoliatoryna qamaldy. Būl turaly «Aq Jaiyq» basylymy jazdy, dep habarlaidy "Adyrna".
Baqytbek İsaev 15 säuır künı ūstalǧan edı. Endı sot oǧan qatysty būltartpas şarasy turaly şeşım şyǧaryp otyr.
«Aq Jaiyq» derekközderınıŋ mälımetınşe, tergeuşıler küdıktınıŋ qyzmet babyn asyra paidalanu faktısın tekserıp jatyr.
«Onyŋ äreketterıne qatysty tüpkılıktı qūqyqtyq baǧa resmi türde jariialanǧan joq. Aldyn ala mälımet boiynşa, tergeu ısı esırtkı zattaryna bailanysty, olar qylmystyq ısterde aiǧaq retınde tırkelgen», –delengen basylym jazbasynda.
Atalǧan ıste taǧy 17 adamnyŋ esımı ataldy. Olardyŋ arasynda qylmystyq ıster men aiǧaq zattarmen jūmys ıstegen polisiia qyzmetkerlerı de bar.
«Aq Jaiyq» oblystyq esırtkı qylmystaryna qarsy küres basqarmasynyŋ bastyǧy Älışer Nūrşaev pen departamenttıŋ ışkı qauıpsızdık basqarmasynyŋ bastyǧy Salamat Qalievtı atap öttı.
Tergeudıŋ naqty män-jaiy men basqa da küdıktılerdıŋ prosessualdyq märtebesı äzırge resmi türde jariialanǧan joq
