شىمكەنت قالاسىندا ۇيلەنۋ كورتەجىنە قاتىسقان كولىكتەردىڭ جول قوزعالىسى ەرەجەلەرىن ورەسكەل بۇزعان ۆيدەوسى الەۋمەتتىك جەلىدە تارادى، دەپ حابارلايدى "ادىرنا" ۇلتتىق پورتالى.
الەۋمەتتىك جەلىدە تاراعان كادرلاردان جۇرگىزۋشىلەردىڭ قارسى باعىتقا شىعىپ، قىزىل جارىققا ءوتىپ، كەرى باعىتتا قوزعالعانى كورىنەدى. بۇل ارەكەتتەر جول قوزعالىسىنا قاتىسۋشىلاردىڭ ءومىرى مەن قاۋىپسىزدىگىنە ناقتى قاۋىپ توندىرگەن.
پوليتسيا مالىمەتىنشە، قۇقىق بۇزۋشىلار بەينەباقىلاۋ كامەرالارى ارقىلى انىقتالعان.
تەكسەرۋ ناتيجەسىندە بارلىق كولىك جۇرگىزۋشىلەرى اكىمشىلىك جاۋاپكەرشىلىككە تارتىلدى. 12 اۆتوكولىك ايىپتۇراعىنا قويىلىپ، كورتەجگە قاتىسقان ەكى ادام اكىمشىلىك قاماۋعا الىندى.
قۇزىرلى ورگاندار جول قوزعالىسى ەرەجەلەرىن ساقتاۋ قاجەتتىگىن ەسكەرتىپ، مۇنداي ارەكەتتەردىڭ اۋىر سالدارعا اكەلۋى مۇمكىن ەكەنىن اتاپ ءوتتى.
