«Molodoy» لاقاپ اتىمەن تانىمال قازاقستاندىق كيبەرسپورتشى دانيل گولۋبەنكو برازيليادا جانكۇيەرلەردىڭ ەرەكشە ىقىلاسىنا يە بولدى، دەپ حابارلايدى "ادىرنا".
كيبەرسپورتشى ريو-دە-جانەيرو قالاسىنا 13–19 ءساۋىر ارالىعىندا وتەتىن ءىرى تۋرنير - IEM Rio 2026 جارىسىنا قاتىسۋ ءۇشىن بارعان.
اۋەجايدا ونى ءوزى ونەر كورسەتەتىن FURIA كومانداسىنىڭ جانكۇيەرلەرى جىلى قارسى الدى. فاناتتار ويىنشىعا قولداۋ كورسەتىپ، ونىڭ كومانداداعى ءرولىن ەرەكشە اتاپ ءوتتى.
دانيل گولۋبەنكو 2025 جىلدىڭ قورىتىندىسى بويىنشا HLTV.org نۇسقاسى بويىنشا الەمنىڭ ۇزدىك ويىنشىلارى رەيتينگىندە 6-ورىنعا يە بولدى. بۇل - قازاقستاندىق كيبەرسپورت تاريحىنداعى ەڭ جوعارى ناتيجەلەردىڭ ءبىرى.
قازىرگى تاڭدا «Molodoy» برازيليالىق FURIA كومانداسىندا سنايپەر رەتىندە ونەر كورسەتەدى. كوماندا الەمدىك Counter-Strike رەيتينگىندە 2-ورىندا تۇر.
قازاقستاندىق ويىنشىنىڭ حالىقارالىق ارەناداعى جەتىستىگى ەلدىڭ كيبەرسپورت سالاسىنداعى بەدەلىن ارتتىرىپ، جاس ويىنشىلارعا ۇلكەن موتيۆاتسيا بولىپ وتىر.
