اقتاۋ تۇبىندە بولعان ۇشاق اپاتىن زەرتتەۋگە برازيليا ءۇش تەرگەۋشىسىن جىبەردى. بۇل تۋرالى DW سايتى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، برازيليا اسكەري اۋە كۇشتەرىنىڭ تەرگەۋشىلەرى Embraer 190 ۇشاعىنىڭ اپاتقا ۇشىراۋىنا قاتىستى قازاقستان بيلىگىنىڭ جۇرگىزىپ جاتقان تەرگەۋىنە تەحنيكالىق قولداۋ كورسەتپەك.
25 جەلتوقساندا «Az Airlines اۆياكومپانياسىنىڭ ۇشاعىنىڭ اپاتقا ۇشىراۋ فاكتىسى بويىنشا «قر قك ەكى نەمەسە ودان دا كوپ ادامنىڭ ابايسىزدا ولىمىنە اكەپ سوققان كولىك قۇرالىن پايدالانۋ كەزىندەگى قاۋىپسىزدىك ەرەجەلەرىن بۇزۋ» بابىمەن سوتقا دەيىنگى تەرگەپ-تەكسەرۋدى باستالعانى حابارلانعان ەدى.
ەسكە سالا كەتەيىك، 25 جەلتوقسان كۇنى اقتاۋدا باكۋدەن گروزنىيعا باعىت العان ازەربايجان اۋە كومپانياسىنا تيەسىلى ۇشاق اپاتقا ۇشىراپ، 38 ادام قازا تاپتى. ونىڭ ىشىندە 6 قازاقستان ازاماتى بار.
ۇقساس جاڭالىقتار
