Qazaqstan Prezidentı Qasym-Jomart Toqaev Özbekstanǧa jūmys saparymen bardy, de habarlaidy "Adyrna" ūlttyq portaly.
Memleket basşysyn Būqara qalasynyŋ äuejaiynda Özbekstan prezidentı Şavkat Mirziioev qarsy aldy.
Saltanatty qarsy alu räsımınde märtebelı meimannyŋ qūrmetıne ūlttyq än men bi oryndaldy. Resmi şara ekı el arasyndaǧy dostyq pen strategiialyq ärıptestıktıŋ joǧary deŋgeiın aiqyndai tüstı.
Aqordanyŋ mälımetınşe, memleketter basşylary beiresmi kezdesu ötkızıp, Būqara qalasyndaǧy bırqatar tarihi jäne önerkäsıp nysandaryn aralaidy. Kezdesu barysynda Qazaqstan men Özbekstan arasyndaǧy sauda-ekonomikalyq, mädeni-gumanitarlyq bailanystardy damytu mäselelerı talqylanady dep kütılude.
Memleket basşysynyŋ sapary Bahauddin Naqyşbandi kesenesıne ziiarat etuden bastaldy.
