بريتانيانىڭ لوندون قالاسىندا سوت الدىندا جاۋاپ بەرىپ جاتقان بولگاريا ازاماتتارى قازاقستانعا قارسى شابۋىل دايىنداعانى انىقتالدى، دەپ حابارلايدى "ادىرنا" ۇلتتىق پورتالى Stan.kz-كە سىلتەپ.
ولار رەسەي مۇددەسى ءۇشىن تىڭشىلىق جاسادى دەپ ايىپتالعان. كۇدىكتىلەردىڭ ءبىرى - تىڭشىلىق جەلىنىڭ جەتەكشىسى ورلين رۋسەۆ. ول قازاقستان پرەزيدەنتى قاسىم-جومارت توقاەۆتىڭ ۇلىنا قاتىستى ماتەريالدار ازىرلەمەك بولعانى ايتىلدى.
Telegraph گازەتىنىڭ دەرەگىنە سايكەس، ورلين توقاەۆتىڭ ۇلىنا قارسى ماتەريال دايىنداۋ ماسەلەسىن ينتەرپول ىزدەۋ سالعان يان مارسالەكپەن تالقىلاعان. ال يان مارسالەك شابۋىل جاساۋعا تاپسىرىس بەرۋشى دەپ تانىلعان.
ىزدەۋدە جۇرگەن كرەمل اتىنان توقاەۆتىڭ "ۇلىنىڭ قاتىسۋىمەن تۇسىرىلگەن فەيك گەي-پورنو" جاساۋ تۋرالى تاپسىرما بەرگەن.
باق مالىمەتىنشە، ورلين مەن مارسالەك جوسپارىن جۇزەگە اسىرۋ ءۇشىن "بال قاقپانىن" جاساماق بولعان. بۇل ءادىستى ارنايى قىزمەت وكىلدەرى ءجيى قولدانادى ەكەن. جوسپار بويىنشا، ءادىس رومانتيكالىق نەمەسە سەكسۋالدى قارىم-قاتىناس ساياسي ماقساتتا پايدالانىلادى.
جازباعا سۇيەنسەك، مارسالەك گەي-كلۋبتىڭ باسشىسىمەن سۇحبات جاساۋى كەرەك بولعان. سۇحباتتا كلۋب باسشىسى "توقاەۆتىڭ ۇلىنىڭ تۇراقتى قوناق ەكەنىن" ايتۋى كەرەك ەدى.
بۇدان بولەك، مارسالەك "قازاقستاندىق اتوم ەلەكتر ستانتسيالارىنا كيبەر شابۋىل جاساپ، ينتيمدىك ۆيدەولاردى جاريالاۋدى جانە ۆاليۋتانى قۇلدىراتۋدى" ۇسىنعان. بىراق ناتيجەسىندە توپ بۇل جوسپاردان باس تارتقان. 2022 جىلى لوندونداعى قازاقستان ەلشىلىگىنىڭ الدىندا "جالعان نارازىلىق اكتسياسىن" وتكىزۋگە توقتالعان.
اقوردا مالىمەتىنە سايكەس، توقاەۆتىڭ ۇلىنىڭ ەسىمى – تيمۋر. ول كەمەل توقاەۆ اتىنداعى قايىرىمدىلىق قورىن باسقارادى.
