اباي وبلىسىندا اتپەن جۇرگەن پوليتسەي دالادا جوعالىپ كەتكەن 3 جاستاعى بالانى تاۋىپ الدى. بۇل تۋرالى وبلىستىق پد جازدى، دەپ حابارلايدى «ادىرنا» ءتىلشىسى.
8 ءساۋىر كۇنى اقسۋات اۋدانىندا 3 جاستاعى بالا بايقاتپاي ءۇيدىڭ اۋلاسىنان شىعىپ كەتىپ، جوعالىپ كەتكەن. تاڭەرتەڭ ەرتە تۋىستارى ىزدەۋدى باستاپ، شامامەن ساعات 11:00-دە پوليتسياعا حابارلاسقان. وسى ساتتەن باستاپ بارلىق كۇش دەرەۋ جۇمىلدىرىلعان.
«پوليتسەيلەر دالانى، ءاربىر مەتر جەردى تەكسەردى، سەبەبى ۋاقىتتىڭ ءار مينۋتى قىمبات ەكەنىن ءتۇسىندى. بىرنەشە ساعاتتان كەيىن ىزدەۋ بارىسىندا اتپەن جۇرگەن پوليتسيا قىزمەتكەرى ايدالادا كىشكەنتاي بالانىڭ بەينەسىن بايقايدى. ول ەلدى مەكەننەن الىس جەردە جالعىز جۇرگەن. تولقىعانىن جاسىرا الماعان پوليتسەي بالاعا: «اينالايىن، كەلە عوي…» — دەپ ءتىل قاتتى»،–دەلىنگەن حابارلامادا.
وسىلايشا ساعات 14:00 شاماسىندا بالا ەلدى مەكەننەن شامامەن 3 شاقىرىم جەردەن تابىلعان.
