ەسىرتكى قىلمىسىنا قارسى ءىس-قيمىل كوميتەتىنىڭ توراعاسى دانيار مەيىرحان قىزمەتىنەن شەتتەتىلدى. بۇل تۋرالى ىشكى ىستەر مينيسترلىگى ايتتى، دەپ حابارلايدى «ادىرنا» ءتىلشىسى.
بۇعان دەيىن جەلىدە مەيىرحانعا قاتىستى قىلمىستىق ءىس قوزعالعانى تۋرالى اقپارات تاراعان ەدى.
مينيسترلىكتىڭ مالىمەتىنشە، بىرقاتار قىزمەتكەردىڭ ءوتىنىشى بويىنشا ماتەريال بەلگىلەنگەن تارتىپپەن تىركەلگەن. رەسمي مالىمەتكە سايكەس، قازىر دانيار مەيىرحان قىزمەتتىك مىندەتتەرىن ورىنداۋدان ۋاقىتشا بوساتىلعان. قازىرگى ۋاقىتتا بارلىق جاعدايدى انىقتاۋ ءۇشىن ءىس-شارالار جۇرگىزىلىپ جاتقانى حابارلاندى.
دانيار مەيىرحان ەڭبەك جولىن 2003 جىلى اقتوبە وبلىستىق ءىىد-ءنىڭ جەدەل ۋاكىلى قىزمەتىنەن باستاعان. 2005–2012 جىلدار ارالىعىندا وڭتۇستىك قازاقستان وبلىسى ىشكى ىستەر ورگاندارىنىڭ بولىنىستەرىندە قىزمەت اتقارعان. 2012–2022 جىلدار ارالىعىندا وقو پوليتسيا دەپارتامەنتىندە ءبولىم باستىعىنان باسقارما باستىعىنا دەيىنگى باسشىلىق لاۋازىمداردا ەڭبەك ەتكەن. 2023–2024 جىلدارى قر ءىىم شىراقبەك قابىلباەۆ اتىنداعى قوستاناي اكادەمياسىندا ءبولىم باستىعىنان اكادەميا باستىعىنىڭ ورىنباسارىنا دەيىنگى قىزمەتتەردى اتقارعان. 2024 جىلدىڭ قىركۇيەك ايىنان ء ىىم ەسىرتكى قىلمىسىنا قارسى ءىس-قيمىل كوميتەتى توراعاسىنىڭ ورىنباسارى، 2024 جىلدىڭ جەلتوقسانىنان ء ىىم ەسىرتكى قىلمىسىنا قارسى ءىس-قيمىل كوميتەتى توراعاسىنىڭ مىندەتىن اتقارۋشى بولعان. ال بىلتىر
قىركۇيەكتە ءىىم ەسىرتكى قىلمىسىنا قارسى ءىس-قيمىل كوميتەتى توراعاسى بولىپ تاعايىندالعان.
ەسكە سالايىق، ول 2022 جىلى تۇركىستان وبلىسى تۇلكىباس اۋداندىق پوليتسيا ءبولىمىنىڭ باستىعى قىزمەتىندە جۇرگەن كەزىندە ء"وز بەتىنشە ارەكەت ەتۋ" جانە "بوتەننىڭ كولىگىن يەمدەنۋ" كۇدىگىمەن ۇستالعان ەدى. سول جىلى ءىس «الاياقتىق» بابى بويىنشا قايتا قارالسا دا، داۋلى پوليتسيا قىزمەتكەرى كەپىلمەن بوساتىلعان بولاتىن ەدى.
