اقتوبە قالاسىندا وبلىستىق اكىمدىك ورنالاسقان عيماراتتا ءورت تىركەلدى، دەپ حابارلايدى"ادىرنا" ۇلتتىق پورتالى Tengrinews.kz-كە سىلتەپ.
توتەنشە جاعدايلار مينيسترلىگىنىڭ مالىمەتىنشە، ءدال قازىر قۇتقارۋشىلار اقتوبە قالاسىنداعى ابىلقايىر حان داڭعىلىندا ورنالاسقان التى قاباتتى اكىمشىلىك عيماراتتىڭ شاتىرىنان شىققان ءورتتى سوندىرۋدە.
وقيعا ورنىنا تجد كۇشتەرى مەن قۇرالدارى بەس مينۋت ىشىندە جەتكەن. ءورتتى تولىق ءسوندىرۋ شارالارى جۇرگىزىلىپ جاتىر.
وقيعا ورنىندا جەدەل شتاب قۇرىلعان. 112 نومىرىنە زارداپ شەككەندەر تۋرالى اقپارات تۇسپەگەن.
«العاشقى بولىمشەلەر كەلگەن كەزدە اشىق جانۋ انىقتالدى. ءورت جوعارى دارەجەلى شاقىرتۋ بويىنشا ءسوندىرىلىپ جاتىر. ءورتتىڭ اۋماعى ناقتىلانۋدا»، — دەپ حابارلادى تجم وكىلدەرى.
ۇقساس جاڭالىقتار
