حالىقارالىق وليمپيادا كوميتەتى ايەلدەر اراسىنداعى جارىستارعا قاتىسۋ تالاپتارىن وزگەرتىپ، جاڭا ەرەجە ەنگىزدى، دەپ حابارلايدى "ادىرنا" ۇلتتىق پورتالى.
ەندى بۇل ساناتقا تەك بيولوگيالىق جىنىسىن گەنەتيكالىق تەست ارقىلى راستاعان سپورتشىلار عانا جىبەرىلەدى. جاڭا تالاپ لوس-اندجەلەس وليمپياداسى 2028 ويىندارىنان باستاپ كۇشىنە ەنەدى.
حوك مالىمەتىنشە، سپورتشىلاردىڭ جىنىسى ءبىر رەتتىك تەست ارقىلى انىقتالادى. ول ءۇشىن سىلەكەي، قان نەمەسە جاعىندى ۇلگىلەرى الىنادى. نەگىزگى كورسەتكىش – ەر ادامنىڭ بيولوگيالىق جىنىسىمەن بايلانىستى جانە ءومىر بويى وزگەرمەيتىن SRY گەنىنىڭ بولۋى.
ۇيىم پرەزيدەنتى كيرستي كوۆەنتريدىڭ ايتۋىنشا، بيولوگيالىق ەر ادامداردىڭ ايەلدەر جارىسىنا قاتىسۋى ادىلەتسىز باسەكەلەستىك تۋدىرادى، ال كەيبىر سپورت تۇرلەرىندە قاۋىپ تە بولۋى مۇمكىن.
جاڭا ەرەجەلەر حوك قامقورلىعىنداعى بارلىق رەسمي جارىستارعا قاتىستى بولادى، بىراق اۋەسقوي جانە بۇقارالىق سپورتقا اسەر ەتپەيدى.
