Halyqaralyq Olimpiada komitetı äielder arasyndaǧy jarystarǧa qatysu talaptaryn özgertıp, jaŋa ereje engızdı, dep habarlaidy "Adyrna" ūlttyq portaly.
Endı būl sanatqa tek biologiialyq jynysyn genetikalyq test arqyly rastaǧan sportşylar ǧana jıberıledı. Jaŋa talap Los-Andjeles Olimpiadasy 2028 oiyndarynan bastap küşıne enedı.
HOK mälımetınşe, sportşylardyŋ jynysy bır rettık test arqyly anyqtalady. Ol üşın sılekei, qan nemese jaǧyndy ülgılerı alynady. Negızgı körsetkış – er adamnyŋ biologiialyq jynysymen bailanysty jäne ömır boiy özgermeitın SRY genınıŋ boluy.
Ūiym prezidentı Kirsti Koventridıŋ aituynşa, biologiialyq er adamdardyŋ äielder jarysyna qatysuy ädıletsız bäsekelestık tudyrady, al keibır sport türlerınde qauıp te boluy mümkın.
Jaŋa erejeler HOK qamqorlyǧyndaǧy barlyq resmi jarystarǧa qatysty bolady, bıraq äuesqoi jäne būqaralyq sportqa äser etpeidı.
