الەۋمەتتىك جەلىدەگى پىكىرى ءۇشىن جۋرناليستكە ايىپپۇل سالىندى، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.
الماتى سوتى الەۋمەتتىك جەلىدەگى پىكىرى ءۇشىن جۋرناليست ءجاميليا ماريچەۆانى ايىپتادى. سوت حابارلاماسىندا:
«سوت قاۋلىسىمەن ماريچەۆا د.، باپتىڭ 3-بولىگىندە كوزدەلگەن اكىمشىلىك قۇقىق بۇزۋشىلىقتى جاساعانى ءۇشىن كىنالى دەپ تانىلدى. اقبتك-ءنىڭ 456-2 بابى بويىنشا 20 اەك مولشەرىندە ايىپپۇل سالۋ تۇرىندەگى اكىمشىلىك جازاعا تارتىلدى»، - دەلىنگەن .
ەسكە سالا كەتەيىك، 30 قاڭتاردا ءجاميليا ماريچەۆا Protenge Telegram ارناسىندا «ازاتتىق» راديوسىنىڭ 36 ءجۋرناليسى قازاقستان رەسپۋبليكاسى سىرتقى ىستەر مينيسترلىگىنەن اككرەديتاتسيا الماعانىن، ولارسىز جۇمىس ىستەي المايتىنىن حابارلادى. سوت سىرتقى ىستەر مينيسترلىگى «ازاتتىق» راديوسى رەداكتسياسى مەن جۋرناليستەرىنىڭ بىرنەشە رەت زاڭ بۇزۋشىلىقتارىنا بايلانىستى اككرەديتتەۋدەن باس تارتقانىن انىقتادى.
سوت ماريچەۆا «اككرەديتاتسيانى ۇزارتۋدان باس تارتۋ نەگىزدەرىن ادەيى بۇرمالاعان» دەپ شەشىم قابىلداپ، جۋرناليستكە ينتەرنەت-پلاتفورمادا جالعان اقپارات جاريالاعانى جانە تاراتقانى ءۇشىن 73 840 تەڭگە كولەمىندە ايىپپۇل سالدى.
