قازاقستاندا يران حالقىنا گۋمانيتارلىق كومەك كورسەتۋگە قاتىستى پەتيتسيا جاريالاندى، دەپ حابارلايدى "ادىرنا" ۇلتتىق پورتالى.
قۇجات قازاقستان رەسپۋبليكاسىنىڭ سىرتقى ىستەر مينيسترلىگى اتىنا جولدانعان.
پەتيتسيا اۆتورى – گاۋحار و ەسىمدى قولدانۋشى. ءوتىنىش 9 ءساۋىر كۇنى جاريالانىپ، قازىرگى تاڭدا 9 داۋىس جيناعان.
پەتيتسيا ماتىنىندە 28 اقپاننان بەرى يران اۋماعى اقش پەن يزرايل تاراپىنان اۋە شابۋىلدارىنا ۇشىراپ وتىرعانى ايتىلعان. اۆتور قاقتىعىستىڭ ساياسي سەبەپتەرىنەن بولەك، ەڭ ۇلكەن زارداپتى قاراپايىم حالىق تارتىپ وتىرعانىن اتاپ وتەدى.
سونداي-اق پەتيتسيادا قازاق حالقىنىڭ اتىنان يران حالقىنا گۋمانيتارلىق كومەك جىبەرۋ قاجەتتىگى كوتەرىلگەن. اۆتوردىڭ ايتۋىنشا، ورتالىق ازيا ەلدەرى اراسىندا قازاقستان ءالى كۇنگە دەيىن مۇنداي قولداۋ شارالارىن جۇزەگە اسىرماعان.
وسىعان بايلانىستى پەتيتسيا يەسى قازاقستان بيلىگىن كورشىلەس ءارى دوستاس ەل رەتىندە يرانعا گۋمانيتارلىق كومەك كورسەتىپ، بۇل باعىتتاعى ولقىلىقتىڭ ورنىن تولتىرۋعا شاقىرادى.
