استاناداعى م.گوركي اتىنداعى مەملەكەتتىك اكادەميالىق ورىس دراما تەاترىنىڭ اكتەرى سەرگەي ماتۆەەۆ «پۋشكين» مەدالىمەن ماراپاتتالدى، دەپ حابارلايدى «ادىرنا» ءتىلشىسى.
ماراپاتتى رەسەي پرەزيدەنتى ۆلاديمير پۋتين رەسەيدىڭ حالىق بىرلىگى كۇنىنە وراي كرەملدە وتكەن سالتاناتتى راسىمدە تابىستاعان.
«اكتەر شەتەلدە ورىس ءتىلى مەن مادەنيەتىن ساقتاۋ جانە ناسيحاتتاۋ ىسىنە قوسقان زور ۇلەسى ءۇشىن جوعارى مەملەكەتتىك ناگرادامەن ماراپاتتالدى»،- دەپ اتاپ ءوتتى رەسەيدىڭ قازاقستانداعى ەلشىلىگى.
ءوز سوزىندە سەرگەي ماتۆەەۆ بۇل ماراپاتتى ءوزى عانا ەمەس، بۇكىل م. گوركي اتىنداعى مەملەكەتتىك اكادەميالىق ورىس دراما تەاترى ۇجىمىنىڭ ەڭبەگىنە كورسەتىلگەن قۇرمەت پەن باعالاۋ رەتىندە قابىلدايتىنىن ايتتى.
شاراعا رەسەيمەن حالىقارالىق ىنتىماقتاستىقتى دامىتۋعا زور ۇلەس قوسقان ءتۇرلى ەلدەردىڭ مادەنيەت، عىلىم جانە ونەر قايراتكەرلەرى، سونداي-اق قوعام جانە مەملەكەت قايراتكەرلەرى قاتىسقان.
ايتا كەتەيىك، سەرگەي ماتۆەەۆ — قازاقستاننىڭ ەڭبەك سىڭىرگەن قايراتكەرى، قىرعىزستاننىڭ حالىق ءارتىسى جانە قازاق ۇلتتىق ونەر ۋنيۆەرسيتەتىنىڭ پروفەسسورى. ول كوپتەگەن جىلدار بويى «پۋشكينمەن ءماجىلىس» اتتى مونو-پەسادا ويناپ كەلگەن.
بۇعان دەيىن ۆلاديمير پۋتين الماتىداعى يۆەرسكو-سەرافيموۆسكي ءموناستىرىنىڭ تۇرعىنى، 100 جاستاعى سحيموناحينيا يرينا ليۋبيتسكايانى «دوستىق» وردەنىمەن ماراپاتتاعان ەدى.
