تالدىقورعاندا جەكە تۇرعىن ۇيلەردىڭ بىرىنەن ەكى ادامنىڭ ءمايىتى تابىلدى، دەپ حابارلايدى "ادىرنا" ءتىلشىسى inbusiness.kz سايتىنا سىلتەپ.
كورشىلەردىڭ ايتۋىنشا ەكى مۇردەنىڭ دەنەسىندە ساۋ جەرى جوق، 72 جاستاعى زەينەتكەر مەن ونىڭ 52 جاستاعى ۇلى اسا ايۋاندىقپەن ولتىرىلگەن.
جەكە تۇرعىن ۇيدەگى مۇردەلەردى قوناقتان قايتقان نەمەرەسى ءبىرىنشى بولىپ كورگەن.
وقيعا ورنىنا كەلگەن پوليتسيا وكىلدەرى مارقۇمدار بىرنەشە جەردەن سالعان پىشاق جاراقاتىنان كەيىن قايتىس بولۋى مۇمكىن دەگەن بولجام جاساعان. قىلمىس ورنىندا ارنايى ساراپتاما تاعايىندالىپ، تەرگەۋ جۇرگىزىلۋدە.
"قىلمىستىق ءىس ادام ءولتىرۋ بابى بويىنشا قوزعالدى. باسقا مالىمەتتەر تەرگەۋ قۇپياسىنا سايكەس جاريالاۋعا جاتپايدى", - دەلىنگەن تالدىقورعان پوليتسياسى تاراتقان حابارلامادا
