قازاقستاندىق تانىمال ازىلكەش نۇرلان سابىروۆتىڭ جۇبايى ديانا سابىروۆا وزىنە تيەسىلى «دس ريتەيل» كومپانياسىن جاپقان، دەپ حابارلايدى "ادىرنا" ۇلتتىق پورتالى Mash Telegram-عا سىلتەپ.
بۇل كومپانيا 2025 جىلى سۋسىندار مەن تەمەكى ونىمدەرىن ساتۋ ماقساتىندا تىركەلگەن.
Mash Telegram-ارناسىنىڭ دەرەگىنشە، سوڭعى 12 ايدا كومپانيا اكتيۆتەرى 1 ميلليون رۋبلگە (شامامەن 5,8 ملن تەڭگە) دەيىن وسكەن. الايدا ناۋرىز ايىنىڭ باسىندا ديانا كاسىپورىندى جابۋ تۋرالى ءوتىنىش بەرگەن. ريا نوۆوستي دە بۇل اقپاراتتى بير-اناليتيك دەرەكتەرىنە سىلتەمە جاساپ راستادى. قۇجاتقا سايكەس، كومپانيا 16 ناۋرىز 2026 جىلدان باستاپ تاراتۋ پروتسەسىندە.
سونىمەن قاتار، ديانا سابىروۆا رەسەيدە جەكە كاسىپكەر رەتىندە تىركەلگەن بيزنەسىن ءالى دە جالعاستىرىپ كەلەدى. بيىل 5 اقپاندا ول جارناما اگەنتتىكتەرىنىڭ قىزمەتىمەن اينالىسۋعا، سونداي-اق ءتۇرلى دەمالىس پەن ويىن-ساۋىق شارالارىن ۇيىمداستىرۋعا قۇقىق العان. بۇل نۇرلان سابىروۆقا رەسەيگە كىرۋگە تىيىم سالىنعاننان كەيىن بولعان.
