ەل ومىرىندەگى ماڭىزدى ساياسي ناۋقان – رەفەرەندۋمعا قوعامنىڭ ءار سالاسىندا ەڭبەك ەتىپ جۇرگەن ازاماتتار بەلسەندى قاتىسۋدا. بايتەرەك اۋدانىندا دا تۇرعىنداردىڭ ازاماتتىق بەلسەندىلىگى جوعارى دەڭگەيدە بايقالىپ وتىر.
سونىڭ جارقىن كورىنىستەرىنىڭ ءبىرى – №206 رەفەرەندۋم ۋچاسكەسىندە ورىن الدى. «Everest Logistics Company» كومپانياسىنىڭ ۇجىمى ۇيىمشىلدىق تانىتىپ، 12 ارنايى تەحنيكامەن ۋچاسكەگە كەلىپ، ەل بولاشاعىنا قاتىستى ءوز تاڭداۋلارىن جاسادى.
بۇل كورىنىس تۇرعىنداردىڭ نازارىن اۋدارىپ، ەڭبەك ادامدارىنىڭ ەل تاعدىرىنا بەيجاي قارامايتىنىن تاعى ءبىر مارتە دالەلدەدى. كومپانيا قىزمەتكەرلەرى جۇمىس قارقىنىنا قاراماستان، ماڭىزدى ساياسي وقيعادان شەت قالماي، ازاماتتىق بورىشتارىن ورىنداۋدى باستى مىندەت سانايتىنىن ايتتى.
ۇجىم مۇشەلەرىنىڭ پىكىرىنشە، رەفەرەندۋم – مەملەكەت دامۋىنىڭ كەلەشەگىنە اسەر ەتەتىن ماڭىزدى قادام. سوندىقتان ءاربىر ازاماتتىڭ ءوز تاڭداۋىن جاساپ، قوعامدىق-ساياسي ۇدەرىستەرگە قاتىسۋى اسا ماڭىزدى.
№206 رەفەرەندۋم ۋچاسكەسىندە داۋىس بەرۋ پروتسەسى تالاپقا ساي ۇيىمداستىرىلعان. مۇندا كەلگەن تۇرعىندار مەن ەڭبەك ۇجىمدارى ءوز تاڭداۋلارىن ەركىن ءبىلدىرىپ، ەل بولاشاعىنا قاتىستى ماڭىزدى شەشىم قابىلداۋ ىسىنە بەلسەندى قاتىسۋدا.
12 تەحنيكامەن كەلىپ داۋىس بەرگەن «Everest Logistics Company» ۇجىمى – بىرلىك پەن جاۋاپكەرشىلىكتىڭ ايقىن ۇلگىسى. بۇل ەڭبەك ادامدارىنىڭ ەل تاعدىرىنا دەگەن جاناشىرلىعى مەن ازاماتتىق ۇستانىمىنىڭ كورىنىسى.
