فوتو: SNN.Ir
يران قارۋلى كۇشتەرى كيپرگە، تۇركياعا جانە ازەربايجانعا شابۋىل جاساماعان. بۇل تۋرالى بريفينگ بارىسىندا يران سىرتقى ىستەر مينيسترلىگىنىڭ رەسمي وكىلى يسمايل باگاي مالىمدەدى، دەپ حابارلايدى “ادىرنا” پورتالى ريا نوۆوستي دەرەگىنە سىلتەمە جاساپ.
«ازەربايجان، تۇركيا جانە كيپرگە قاتىستى ايتار بولساق، قارۋلى كۇشتەردىڭ باس شتابى يران اۋماعىنان نەمەسە يران قارۋلى كۇشتەرى تاراپىنان مۇنداي رەاكتيۆتى سناريادتاردىڭ ۇشىرىلماعانىن ناقتى ءارى رەسمي تۇردە مالىمدەدى»، – دەپ كەلتىرەدى باگايدىڭ ءسوزىن يراندىق SNN.
اقش پەن يزرايلمەن اتىستى توقتاتۋ جونىندەگى كەلىسسوزدەر مۇمكىندىگى تۋرالى سۇراققا جاۋاپ بەرە وتىرىپ، يران ءسىم وكىلى قازىرگى جاعدايدا يراننىڭ جاۋاپ شارالارىنان باسقا ماسەلە تۋرالى ايتۋ ورىنسىز ەكەنىن ايتتى.
«اسكەري اگرەسسيا جالعاسۋدا. قازىرگى جاعدايدا قورعانىسقا نەمەسە قارسى تاراپقا كۇيرەتە جاۋاپ بەرۋگە قاتىسى جوق باسقا تاقىرىپتار تۋرالى ايتۋ ورىنسىز»، – دەدى ول.
سونىمەن قاتار يسمايل باگاي اقش-تىڭ نەگىزگى ماقساتى يراننىڭ مۇناي رەسۋرستارىنا قول جەتكىزۋ ەكەنىن مالىمدەدى.
«اقش-تىڭ ماقساتىنا قاتىستى كۇمان جوق. بۇعان دەيىن دە ەشكىم اقش-تىڭ ماقساتى يراننىڭ مۇناي رەسۋرستارىنا قول جەتكىزۋ ەكەنىن جوققا شىعارماعان»، – دەدى يران ءسىم-ءنىڭ رەسمي وكىلى.
اقش پەن يزرايل 28 اقپاندا يران اۋماعىنداعى نىساندارعا، سونىڭ ىشىندە تەگەران قالاسىنا سوققى بەرە باستادى. بۇعان جاۋاپ رەتىندە يران يزرايل اۋماعىنا جانە تاياۋ شىعىستاعى اقش اسكەري نىساندارىنا سوققى جاساۋدا.
