ەۋروپالىق وداق تاياۋ شىعىستاعى شيەلەنىسكە بايلانىستى كيپر ارالىندا ناۋرىز ايىندا وتكىزىلۋى جوسپارلانعان بىرقاتار كەزدەسۋلەردى كەيىنگە قالدىرۋ نەمەسە ونلاين فورماتقا كوشىرۋ تۋرالى شەشىم قابىلدادى، دەپ حابارلايدى "ادىرنا" ۇلتتىق پورتالى POLITICO باسىلىمىنا سىلتەپ.
مالىمەتكە سايكەس، شەشىم ايماقتاعى قاۋىپسىزدىك جاعدايىنىڭ كۇردەلەنۋىنە بايلانىستى قابىلدانعان. بيىلعى جىلدىڭ ءبىرىنشى جارتىسىندا كيپر ەۋروپالىق كەڭەس جۇمىسىنا توراعالىق ەتەدى.
باق دەرەگىنشە، شارالار كەزدەسۋلەرگە قاتىسۋشىلاردىڭ قاۋىپسىزدىگىن قامتاماسىز ەتۋ ماقساتىندا قولعا الىنعان.
وسىعان بايلانىستى كيپردە تىكەلەي فورماتتا ءوتۋى ءتيىس بولعان بىرقاتار جيىندار كەيىنگە شەگەرىلىپ، كەيبىرى ونلاين فورماتتا وتكىزىلمەك. قانداي ناقتى كەزدەسۋلەردىڭ وزگەرگەنى جانە ولاردىڭ جاڭا مەرزىمدەرى ازىرگە ناقتىلانباعان.
