Europalyq odaq Taiau Şyǧystaǧy şielenıske bailanysty Kipr aralynda nauryz aiynda ötkızıluı josparlanǧan bırqatar kezdesulerdı keiınge qaldyru nemese onlain formatqa köşıru turaly şeşım qabyldady, dep habarlaidy "Adyrna" ūlttyq portaly POLITICO basylymyna sıltep.
Mälımetke säikes, şeşım aimaqtaǧy qauıpsızdık jaǧdaiynyŋ kürdelenuıne bailanysty qabyldanǧan. Biylǧy jyldyŋ bırınşı jartysynda Kipr Europalyq keŋes jūmysyna töraǧalyq etedı.
BAQ deregınşe, şaralar kezdesulerge qatysuşylardyŋ qauıpsızdıgın qamtamasyz etu maqsatynda qolǧa alynǧan.
Osyǧan bailanysty Kiprde tıkelei formatta ötuı tiıs bolǧan bırqatar jiyndar keiınge şegerılıp, keibırı onlain formatta ötkızılmek. Qandai naqty kezdesulerdıŋ özgergenı jäne olardyŋ jaŋa merzımderı äzırge naqtylanbaǧan.
