يران كاسپي تەڭىزى جاعالاۋىندا "ترامپ پەن بينيامين نەتانياحۋدى" ۇستاعان، دەپ حابارلايدى "ادىرنا" ۇلتتىق پورتالى "تاۋەلسىز يران" تەلەگرام باسىلىمىنا سىلتەپ.
يران مازەنداران جانە گۇلستان پروۆينتسيالارىندا اقش پەن يزرايل باسشىلارىنا قارسى باعىتتالعان اسكەري-سيمۆوليكالىق جاتتىعۋ وتكىزدى. يسلام رەۆوليۋتسياسى ساقشىلارى كورپۋسى (كسير) ۇيىمداستىرعان ارنايى وپەراتسيا بارىسىندا ارنايى جاساق ساربازدارى اقش-تىڭ بۇرىنعى پرەزيدەنتى دونالد ترامپ پەن يزرايل پرەمەر-ءمينيسترى بينيامين نەتانياحۋعا ۇقساس ادامداردى "ۇستاعان". "ۇستالعانداردى" "تاريح قوقىس" دەگەن جازۋى بار پيكاپ كولىكتىڭ قورابىنا لاقتىرعان.
يراندا امەريكا مەن يزرايل تۋىن ورتەۋ، وسى ەل باسشىلارىنىڭ قۋىرشاعىن ورتەۋ سياقتى اكتسيالار بيلىك ۇيىمداستىرعان شارالاردا ءجيى بولادى. بىراق وسى جولى ءبىر ەلدىڭ “پرەزيدەنتىن تۇتقىنداۋ” كورىنىسى جەلى قولدانۋشىلارىنا قاتتى اسەر ەتكەنى بايقالادى.
كورىنىستە ەكى ادامعا قارۋ كەزەنىپ، ولاردى اسكەري كۇشپەن الىپ كەتۋ ءساتى بەينەلەنگەن.
ايتا كەتەيىك، بۇل ەلدە امەريكا مەن يزرايل تۋىن ورتتەۋ، سول ەلدەردىڭ باسشىلارىنىڭ قۋىرشاق بەينەسىن كوپشىلىك الدىندا ورتەۋ سەكىلدى ارەكەتتەر بيلىك ۇيىمداستىرعان شارالاردا ءجيى كەزدەسەدى.
كەي ساراپشىلار مۇنى يران تاراپىنان اقش-تىڭ جاڭا سانكتسيالارىنا جانە ترامپ پەن نەتانياحۋعا قاتىستى سوعىس قىلمىستارى ءۇشىن حالىقارالىق جاۋاپكەرشىلىك تالاپتارىنا جاۋاپ رەتىندە قاراستىرىپ وتىر.
رەسمي مالىمدەمەدە بۇل قويىلىم يراننىڭ "ادىلەتتىلىكتى تالاپ ەتۋ جانە اگرەسسياعا قارسى تۇرۋ" ۇستانىمىنىڭ كورىنىسى ەكەنى ايتىلعان.
