Qostanaida «Ädılettı jäne Progressivtı Qazaqstannyŋ Halyqtyq Konstitusiiasy üşın!» öŋırlık koalisiia müşelerı oblystyq auruhana qyzmetkerlerımen mazmūndy kezdesu ötkızdı. Is-şara erkın pıkır almasu jäne aşyq dialog formatynda ūiymdastyrylyp, ärbır qatysuşyǧa memleketımızdıŋ damu baǧyttaryna qatysty öz oiyn ortaǧa saluǧa jäne kökeikestı saualdaryna jauap aluǧa mümkındık berdı.
Kezdesu spikerlerı — koalisiia müşelerı Tatiana Bulgasevich pen Gülmira Dambaulova jaŋa Konstitusiia jobasynyŋ negızgı erejelerıne tereŋ taldau jasap, ūsynylyp otyrǧan özgerısterdıŋ basty maqsaty — ädıldık, zaŋdylyq prinsipterın nyǧaitu jäne memlekettıŋ azamattar aldyndaǧy jauapkerşılıgın arttyru ekenın erekşe atap öttı. Referendumda töbe körsetıp, dauys beru ärbır azamattyŋ baryzy dep basa aitty Tatiana Bulgasevich.
«Referendum — būl ärqaisymyz üşın el bolaşaǧyna tıkelei äser etudıŋ bıregei mümkındıgı. Bız tek dauys berıp qana qoimai, özımızdıŋ azamattyq ūstanymymyzdy bıldıruımız qajet. Ortaq üiımız — Qazaqstannyŋ erteŋı ärbır azamattyŋ taŋdauyna bailanysty. Sondyqtan 15 nauryz künı bırlıgımızdı tanytyp, maŋyzdy şeşım qabyldauǧa atsalysu — barşamyzdyŋ ortaq paryzymyz»- dedı ol.
Reformalardyŋ äleumettık baǧyty, atap aitqanda, adam qūqyqtaryn qorǧau, otbasy institutyn qoldau jäne ärbır qazaqstandyqtyŋ äleuetın ıske asyruy üşın teŋ mümkındıkter jasau mäselelerıne basymdyq berıldı. Koalsiia müşesı Gülmira Dambaulova talqylau barysynda jaŋa Konstitusiia jobasy densaulyq saqtau jüiesın jetıldıruge, medisinalyq qyzmetterdıŋ sapasyn arttyruǧa jäne sala mamandarynyŋ äleumettık jaǧdaiyn jaqsartuǧa berık qūqyqtyq negız qalaityny aityldy.
«Jaŋa Konstitusiia — būl jai ǧana zaŋdar jiyntyǧy emes, būl ädılettı qoǧamnyŋ jaŋa kelısımı. Onda ärbır qazaqstandyqtyŋ, ärbır otbasynyŋ müddesı qorǧalǧan. Bız adamnyŋ qadır-qasietı bärınen biık tūratyn memleket qūryp jatyrmyz», — dep atap öttı koalisiia müşesı.
Aq halatty abzal jandar ūsynylǧan bastamalarǧa qatysty käsıbi közqarastaryn bıldırıp, pıkır almasuǧa belsene qatysty. Özara senım men jauapkerşılık jaǧdaiynda ötken būl kezdesu elımızdıŋ jarqyn bolaşaǧyn qalyptastyru jolyndaǧy syndarly qoǧamdyq dialogtyŋ maŋyzdy kezeŋı boldy.
