4 ناۋرىزدا تاياۋ شىعىس ەلدەرىنەن قايتارىلعان قازاقستان ازاماتتارى مىنگەن ۇشاقتار ەل اۋەجايلارىنا كەلىپ قوندى. بۇل تۋرالى ازاماتتىق اۆياتسيا كوميتەتىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«Air Astana كومپانياسى مەدينا مەن جيددادان بىرنەشە رەيس ورىندادى:
KC2202 رەيسى اقتاۋ قالاسىنا ساعات 21:28-دە قوندى، بورتتا 142 ادام بولدى;
KC2208 مەدينا – اتىراۋ باعىتى بويىنشا ساعات 01:19-دا قوندى، 145 ادام;
KC2206 جيددا – اتىراۋ باعىتى بويىنشا ساعات 02:50-دە قوندى، 174 ادام;
KC2204 جيددا – اتىراۋ باعىتى بويىنشا ساعات 03:34-تە قوندى، 179 ادام بولدى.
سونىمەن قاتار، SCAT اۋە كومپانياسى Boeing 767 اۋە كەمەسىمەن الماتى – ماسكات – الماتى باعىتى بويىنشا رەيس ورىندالىپ جاتىر. ۇشاقتا شامامەن 290 ورىن بار»،- دەلىنگەن حابارلامادا.
قازىرگى تاڭعا دەيىن قازاقستانعا 946 جولاۋشى قايتارىلعان.
كوميتەت قازاقستان ازاماتتارىن ەلگە قايتارۋ جۇمىستارى جالعاسىپ جاتقانىن اتاپ ءوتتى.
