4 nauryzda Taiau Şyǧys elderınen qaitarylǧan Qazaqstan azamattary mıngen ūşaqtar el äuejailaryna kelıp qondy. Būl turaly Azamattyq aviasiia komitetınıŋ baspasöz qyzmetı jazdy, dep habarlaidy «Adyrna» tılşısı.
«Air Astana kompaniiasy Medina men Jiddadan bırneşe reis oryndady:
KC2202 reisı Aqtau qalasyna saǧat 21:28-de qondy, bortta 142 adam boldy;
KC2208 Medina – Atyrau baǧyty boiynşa saǧat 01:19-da qondy, 145 adam;
KC2206 Jidda – Atyrau baǧyty boiynşa saǧat 02:50-de qondy, 174 adam;
KC2204 Jidda – Atyrau baǧyty boiynşa saǧat 03:34-te qondy, 179 adam boldy.
Sonymen qatar, SCAT äue kompaniiasy Boeing 767 äue kemesımen Almaty – Maskat – Almaty baǧyty boiynşa reis oryndalyp jatyr. Ūşaqta şamamen 290 oryn bar»,- delıngen habarlamada.
Qazırgı taŋǧa deiın Qazaqstanǧa 946 jolauşy qaitarylǧan.
Komitet Qazaqstan azamattaryn elge qaitaru jūmystary jalǧasyp jatqanyn atap öttı.
