مەملەكەت باسشىسى قاسىم-جومارت توقاەۆ تاياۋ شىعىستاعى احۋالدى ءجىتى قاداعالاپ وتىر. بۇل تۋرالى پرەزيدەنتتىڭ ءباسپاسوز حاتشىسى ايبەك سمادياروۆ جازدى، دەپ حابارلايدى «ادىرنا» ءتىلشىسى.
ايتۋىنشا، پرەزيدەنت يوردانيا كورولى ءىى ابداللاعا حات جولداپ، قازاقستان قازىرگىدەي سىن ساعاتىندا باۋىرلاس يوردان حالقىنا قولداۋ مەن تىلەكتەستىك بىلدىرەتىنىن جەتكىزگەن.
«پرەزيدەنت احۋالدىڭ ۋشىعۋىنا اكەلۋى مۇمكىن ءىس-قيمىلداردان باس تارتۋعا شاقىرىپ، كەز كەلگەن حالىقارالىق قاقتىعىس ديپلوماتيالىق تاسىلدەر ارقىلى شەشىلۋى قاجەت ەكەنىن تاعى دا اتاپ ءوتتى»،-دەدى ايبەك سمادياروۆ.
ۇقساس جاڭالىقتار
