شانحاي ىنتىماقتاستىق ۇيىمىنا مۇشە ەلدەردىڭ جيىنىنا قاتىسقان مەملەكەت باسشىسى بىرقاتار ساياسي وزگەرىستەر مەن ۇيىم بولىپ ء"بىر جۇدىرىقتاي جۇمىلا" قولعا الىنۋى ءتيىس ماسەلەلەردى ءسوز ەتتى. الماتى قالاسىندا ورتالىق ازيا مەن اۋعانستان ءۇشىن تۇراقتى دامۋ ماقساتتارى جونىندەگى بۇۇ-نىڭ اۋماقتىق ورتالىعىن اشۋ باستاماسىن كوتەردى، دەپ حابارلايدى "ادىرنا" ۇلتتىق پورتالى.
جيىن بارىسىندا مەملەكەت باسشىسى حالىقارالىق قۇقىق نەگىزدەرى مەن ونىڭ ماڭىزدى قاعيداتىنىڭ، ياعني تەڭدەي، بىرلەسكەن، بولىنبەيتىن، كەشەندى جانە تۇراقتى قاۋىپسىزدىكتىڭ بۇزىلۋى قالىپتى جاعدايعا اينالعانىن ايتتى.
«ساياسي ىقپالى زور، ەكونوميكالىق مۇمكىندىگى مول جانە وراسان زور ادام رەسۋرسىنا يە شىۇ ورنىقتى دامۋ ماقساتتارىنا قول جەتكىزۋگە جانە ادامزاتتىڭ زاماناۋي سىن-قاتەرلەرىن ەڭسەرۋگە ەلەۋلى قوسا الاتىنىنا سەنىمدىمىن. جاھاندىق ءتارتىپتى تۇبەگەيلى ترانسفورماتسيالاۋ جاعدايىندا بۇرىن-سوڭدى بولماعان گەوساياسي شيەلەنىستىڭ، ساۋدا جانە سانكتسيالىق سوعىستاردىڭ، سونداي-اق باسقا دا زاماناۋي سىن-قاتەرلەردىڭ كۇشەيە تۇسكەنىنە كۋا بولىپ وتىرمىز»، – دەدى پرەزيدەنت.
سونىمەن قاتار قازاقستاننىڭ توراعالىعىمىز كەزىندە «ءۇش زۇلىم كۇشكە»، ترانسۇلتتىق ۇيىمداسقان قىلمىسقا، زاڭسىز ەسىرتكى اينالىمىنا جانە كيبەرقىلمىسقا قارسى كۇرەسكە باسا ءمان بەرىلەتىنىن جەتكىزدى.
«تەرروريزمگە، سەپاراتيزمگە جانە ەكسترەميزمگە قارسى ءىس-قيمىل جونىندەگى 2025-2027 جىلدارعا ارنالعان ىنتىماقتاستىق باعدارلاماسىن جاڭارتۋعا كۇش سالۋىمىز كەرەك. بۇدان بولەك، قازاقستان شىۇ-نىڭ 2024-2029 جىلدارعا ارنالعان ەسىرتكىگە قارسى ستراتەگياسى مەن ونى جۇزەگە اسىرۋ جونىندەگى ءىس-قيمىل باعدارلاماسىن قابىلداۋدى ۇسىنادى. بۇل شارالاردىڭ ءبارى تۇراقتىلىققا جانە شىۇ كەڭىستىگىندەگى قاۋىپسىزدىكتى جۇيەلى تۇردە كۇشەيتۋگە سەپتىگىن تيگىزەدى. اۋعانستانداعى داعدارىستى ەڭسەرۋگە ارنايى نازار اۋدارعان ءجون بولار ەدى. بۇۇ-نىڭ ۇيلەستىرۋىمەن اۋعان حالقىنا كورسەتىلەتىن كومەكتى جالعاستىرۋ ماڭىزدى، - دەدى پرەزيدەنت.
ءوز بايانداماسىن بىرقاتار ۇسىنىستارمەن تۇيىندەپ، اۋعانستان مەن ورتالىق ازيا ءۇشىن الماتىدان ارنايى ورتالىق اشۋدىڭ ماڭىزىن ءسوز ەتتى.
سوندىقتان الماتى قالاسىندا ورتالىق ازيا مەن اۋعانستان ءۇشىن تۇراقتى دامۋ ماقساتتارى جونىندەگى بۇۇ-نىڭ اۋماقتىق ورتالىعىن اشۋ جونىندەگى ءبىزدىڭ باستامامىزعا تاعى دا ءتيىستى دەڭگەيدە نازار اۋدارۋدى ۇسىنامىز. وسى اسا قاجەتتى قۇرىلىمعا سىزدەر قولداۋ كورسەتەدى دەپ سەنەمىن. اوسشك-ءتى تولىققاندى حالىقارالىق ۇيىمعا اينالدىرۋ پروتسەسىن باستاۋعا قولداۋ كورسەتكەنى ءۇشىن شىۇ-عا مۇشە مەملەكەتتەرگە ارنايى ريزاشىلىعىمدى بىلدىرەمىن»، – دەدى مەملەكەت باسشىسى
"ادىرنا" ۇلتتىق پورتالى
