مەملەكەت باسشىسى قاسىم-جومارت توقاەۆ ورتالىق ازيا مەملەكەتتەرى باسشىلارىنىڭ گەرمانيا كانتسلەرى ولاف شولتسپەن كەزدەسۋىندە سانكتسيالىق تەكەتىرەستەردى ايىپتادى. سونىمەن قاتار، شەكتەۋسىز جانە كەدەرگىسىز ساۋدا-ساتتىقتى جاقتادى، دەپ حابارلايدى «ادىرنا» ۇلتتىق پورتالى «اقورداعا» سىلتەمە كورسەتە وتىرىپ.
- قازاقستان سانكتسيالىق تەكەتىرەستەرگە قارسى. ويتكەنى ساياسي تۇرعىدا نەگىزدەلگەن شەكتەۋلەر حالىقارالىق قاتىناستارداعى جالپى احۋالعا سىزات تۇسىرەدى جانە مەملەكەتتەر اراسىنداعى ساۋدا-ەكونوميكالىق ىنتىماقتاستىقتىڭ دامۋىنا كەرى اسەر ەتەدى. سونىمەن بىرگە ءبىز ايماقتىق ساياساتتاعى سانكتسيالىق شەكتەۋلەردى ەسكەرۋگە ءماجبۇرمىز. بەيبىتشىلىك پەن ىنتىماقتاستىقتىڭ ءوزارا ءتيىمدى فورمۋلاسىن تابۋ ءۇشىن سىندارلى ديپلوماتيانىڭ ۋاقىتى كەلدى دەپ سانايمىز، - دەدى توقاەۆ.
سونىمەن قاتار، مەملەكەت باسشىسى گەرمانياداعى ساپارىنا توقتالىپ، كەدەرگىسىز ساۋدانىڭ جاندانۋىن قولدايتىنىن جەتكىزدى.
- مەن بۇل تۋرالى جۋىردا وتكەن بۇۇ باس اسسامبلەياسى سەسسياسىنىڭ مىنبەرىندە سويلەگەن سوزىمدە ايتتىم. قازاقستان بارلىق مۇددەلى مەملەكەتپەن اراداعى كەدەرگىسىز ساۋدانى دامىتۋدى جانە ينۆەستيتسيالىق ىنتىماقتاستىق ورناتۋدى جاقتايدى. قۇرمەتتى كانتسلەر، كەشە ەكونوميكالىق ىنتىماقتاستىق ماسەلەلەرى جونىندە سىزبەن جانە گەرمانيانىڭ جەتەكشى كومپانيالارىنىڭ باسشىلارىمەن تابىستى كەلىسسىوز جۇرگىزدىم. مۇنداي ىقپالداستىقتىڭ كەلەشەگى جارقىن بولادى دەپ سانايمىن»، – دەدى قاسىم-جومارت توقاەۆ.
«ادىرنا» ۇلتتىق پورتالى
