اقش پرەزيدەنتى دونالد ترامپ يراننىڭ سوڭعى مالىمدەمەلەرىنە قاتىستى پىكىر ءبىلدىردى، دەپ حابارلايدى «ادىرنا» ءتىلشىسى.
«بۇگىن يران وتە قاتتى قارىمتا سوققى جاسايتىندارىن جەتكىزدى. الايدا بۇل قادامعا بارماعاندارى دۇرىس. ەگەر ارەكەت جاساسا، ءبىز ولارعا بۇرىن-سوڭدى بولماعان كۇشپەن جاۋاپ بەرەمىز. بۇل ماسەلەگە كوڭىل بولگەندەرىڭىزگە راقمەت»،-دەپ جازدى اق ءۇي باسشىسى Truth Social الەۋمەتتىك جەلىسىندە.
بۇعان دەيىن يران حامەنەيدىڭ قازا تابۋىنا بايلانىستى اقش اسكەري بازالارىنا قارسى تاريحتاعى ەڭ قۋاتتى شابۋىل وپەراتسياسىن جۇرگىزەتىنىن ايتقان ەدى.
ۇقساس جاڭالىقتار
