پرەزيدەنت قاسىم-جومارت توقاەۆ بىرىككەن اراب امىرلىكتەرى، ساۋد ارابياسى، قاتار، باحرەين جانە كۋۆەيت مەملەكەتتەرىنىڭ باسشىلارىنا وسىناۋ قيىن-قىستاۋ كەزەڭدە شىنايى قولداۋى مەن تىلەكتەستىگىن ءبىلدىرىپ، حات جولدادى، دەپ حابارلايدى «ادىرنا» ءتىلشىسى.
مەملەكەت باسشىسى دوستاس ءارى باۋىرلاس ەلدەردىڭ تاۋەلسىزدىگى مەن قاۋىپسىزدىگىنە نۇقسان كەلتىرۋگە باعىتتالعان بارلىق اسكەري ارەكەتتى باتىل ايىپتايدى.
«قازاقستان حالىقارالىق كۇردەلى پروبلەمالار مەن قارۋلى قاقتىعىستاردىڭ ءبارىن تەك ديپلوماتيالىق جولمەن شەشۋدى ۇدايى جاقتايدى»،- دەلىنگەن حاتتا.
قاسىم-جومارت توقاەۆ قازاقستان باۋىرلاس اراب مەملەكەتتەرىنە قال-قادەرىنشە كومەك كورسەتۋگە دايىن ەكەنىن ايتىپ، اتالعان ەلدەردىڭ باسشىلارىمەن تۇراقتى قىزمەتتىك قارىم-قاتىناس جالعاساتىنىنا ۇمىتتەنەتىنىن جەتكىزدى.
ەسكە سالايىق، 28 اقپاندا اقش پەن يزرايل يرانعا سوققى جاساعان بولاتىن. يسلام رەسپۋبليكاسىنىڭ استاناسى تەگەرانمەن بىرگە يسفاحان، قۇم، كەرمانشاح، تابريز، شيراز قالالارى دا شابۋىلعا ۇشىرادى. شابۋىلعا جاۋاپ رەتىندە يران يزرايلمەن قاتار قۇراما شتاتتاردىڭ اسكەري بازالارى ورنالاسقان قاتار، باحرەين، بىرىككەن اراب امىرلىكتەرىنە بالليستيكالىق زىمىراندار جىبەردى. جارىلىس جاڭعىرىعى كۋۆەيتتە دە ەستىلدى.
