يران سىرتقى ىستەر ءمينيسترى ابباس اراكچي جەنەۆادا وتكەن يران مەن اقش اراسىنداعى جيىننىڭ ءۇشىنشى راۋندىن ەڭ ماڭىزدى ءارى ەڭ ۇزاق كەلىسسوزدەردىڭ ءبىرى دەپ باعالادى، دەپ حابارلايدى "ادىرنا" ۇلتتىق پورتالى.
ونىڭ ايتۋىنشا، بىرنەشە ساعاتقا سوزىلعان كەزدەسۋلەر بارىسىندا تاراپتار بەلگىلى ءبىر ىلگەرىلەۋگە قول جەتكىزگەن. بۇل تۋرالى مينيستر يراننىڭ مەملەكەتتىك تەلەارناسى ەفيرىندە مالىمدەدى.
جەنەۆادا وتكەن كەلىسسوزدەر يراننىڭ يادرولىق باعدارلاماسىنا قاتىستى ماسەلەلەردى قامتىدى. دەلەگاتسيالار اراسىنداعى حات-حابار الماسۋعا ومان سىرتقى ىستەر ءمينيسترى بادر ءال-بۋسايدي قاتىسقان.
سونىمەن قاتار، كەلىسسوزدەر پروتسەسىنە حالىقارالىق اتوم ەنەرگياسى اگەنتتىگىنىڭ باس ديرەكتورى رافاەل گروسسي دە تارتىلعانى ايتىلدى.
ەسكە سالايىق، يران مەن اقش اراسىنداعى يادرولىق كەلىسىمگە قاتىستى كەلىسسوزدەر بىرنەشە جىل ۇزىلىستەن كەيىن قايتا جاندانعان.
