يراننىڭ يسلام رەۆوليۋتسياسى ساقشىلار كورپۋسى (كسير) قاتارىنان ءۇشىنشى ءيزرايلدىڭ F-16 جويعىش ۇشاعىن اتىپ تۇسىرگەنىن مالىمدەدى، دەپحابارلايدى “ادىرنا”.
كسير ءباسپاسوز قىزمەتىنىڭ حابارلاۋىنشا، جويعىش ۇشاق بۇگىن تاڭەرتەڭ يران اۋە كەڭىستىگىندە اۋە-عارىش كۇشتەرىنىڭ شابۋىلىنا قارسى قورعانىس جۇيەلەرى ارقىلى جويىلعان.
«سوعىستىڭ العاشقى 3 اپتاسىندا 200-دەن استام ۇشۋ اپپاراتىن، سونىڭ ىشىندە دروندار، قاناتتى زىمىراندار، جانارماي قۇيۋشى ۇشاقتار جانە ەڭ زاماناۋي جويعىشتاردى ءساتتى ۇستاپ، جويۋ – يران مەن ايماق اۋە كەڭىستىگىندە قارسىلاستى باقىلاۋ جانە توسقاۋىل قويۋ قابىلەتىنىڭ ارتقانىن، سونداي-اق ەلدىڭ اۋە قورعانىسىنىڭ كۇشەيگەنىن كورسەتەدى»، – دەپ قوستى ءباسپاسوز قىزمەتى.
بۇعان دەيىن تساحال ءباسپاسوز قىزمەتى يران اۋە كەڭىستىگىندە يزرايلدىك جويعىشقا قارسى زەنيتتىك زىمىران ۇشىرىلعانىن حابارلاعان. ولاردىڭ مالىمەتىنشە، ۇشاق زاقىم الماعان جانە تاپسىرما جوسپارعا سايكەس ورىندالعان.
