Prezident Qasym-Jomart Toqaev Bırıkken Arab Ämırlıkterı, Saud Arabiiasy, Qatar, Bahrein jäne Kuveit memleketterınıŋ basşylaryna osynau qiyn-qystau kezeŋde şynaiy qoldauy men tılektestıgın bıldırıp, hat joldady, dep habarlaidy «Adyrna» tılşısı.
Memleket basşysy dostas ärı bauyrlas elderdıŋ täuelsızdıgı men qauıpsızdıgıne nūqsan keltıruge baǧyttalǧan barlyq äskeri ärekettı batyl aiyptaidy.
«Qazaqstan halyqaralyq kürdelı problemalar men qaruly qaqtyǧystardyŋ bärın tek diplomatiialyq jolmen şeşudı ūdaiy jaqtaidy»,- delıngen hatta.
Qasym-Jomart Toqaev Qazaqstan bauyrlas arab memleketterıne qal-qaderınşe kömek körsetuge daiyn ekenın aityp, atalǧan elderdıŋ basşylarymen tūraqty qyzmettık qarym-qatynas jalǧasatynyna ümıttenetının jetkızdı.
Eske salaiyq, 28 aqpanda AQŞ pen İzrail İranǧa soqqy jasaǧan bolatyn. İslam Respublikasynyŋ astanasy Tegeranmen bırge İsfahan, Qūm, Kermanşah, Tabriz, Şiraz qalalary da şabuylǧa ūşyrady. Şabuylǧa jauap retınde İran İzrailmen qatar Qūrama Ştattardyŋ äskeri bazalary ornalasqan Qatar, Bahrein, Bırıkken Arab Ämırlıkterıne ballistikalyq zymyrandar jıberdı. Jarylys jaŋǧyryǧy Kuveitte de estıldı.
