قىرعىزستاننىڭ ۇلتتىق قاۋىپسىزدىك جونىندەگى مەملەكەتتىك كوميتەتى وش وبلىسىندا 39 مەشىت پەن 21 مەدرەسەنىڭ جابىلعانىن مالىمدەدى، دەپ حابارلايدى «ادىرنا» ءتىلشىسى 24.kg باسىلىمىنا سىلتەمە جاساپ.
باسقارما بۇل شەشىمنىڭ قابىلدانۋىنا قۇرىلىس نورمالارىن بۇزىلۋى جانە بىرىڭعاي ءبىلىم بەرۋ ستاندارتتارىنىڭ جوقتىعى سەبەپ بولعانىن ايتتى.
«ەلىمىزدە ءدىني نىساندارعا جاپپاي تەكسەرۋ جۇرگىزىلىپ جاتىر. كوميسسيا قۇرامىندا ۇلتتىق قاۋىپسىزدىك جونىندەگى مەملەكەتتىك كوميتەت، ىشكى ىستەر مينيسترلىگى، ءدىن ىستەرى جونىندەگى مەملەكەتتىك كوميسسيا، دەنساۋلىق ساقتاۋ، توتەنشە جاعدايلار مينيسترلىكتەرى جانە باسقا دا مەملەكەتتىك ورگانداردىڭ وكىلدەرى بار. نەگىزگى ماقسات — ءدىني ەكسترەميزم يدەولوگياسى مەن ءداستۇرلى ەمەس اعىمداردىڭ تارالۋىنا قارسى تۇرۋ»،—دەلىنگەن حابارلامادا.
ۇقساس جاڭالىقتار
