Atyrau oblysynyŋ 29 jastaǧy tūrǧyny İndoneziia Respublikasynyŋ Lombok aralynda asa auyr qylmys jasaǧan küdıkpen ūstalǧan sätınen beine jariialady, dep habarlaidy "Adyrna" ūlttyq portaly.
QR ışkı ıster ministrlıgınıŋ habarlauynşa, küdıktı ata-enesın öltırdı degen küdıkke ılıngen. Qylmysqa qatysty būrynǧy äielı de anyqtalǧan. Ūstalǧan adamǧa qatysty videojazba jariialandy.
Aita keteiık, 2025 jyldyŋ qazan aiynda Atyrau oblysy, Qyzylqoǧa audany, Jangeldin auylynda bır otbasy joǧalyp ketken.
2026 jyldyŋ qaŋtarynda jūbailardyŋ mäiıtterı özderınıŋ üiınde tabyldy. Qylmys jasaǧan küdıkpen Mahambet audanynyŋ 29 jastaǧy tūrǧyny halyqaralyq ızdeuge jariialanǧan bolatyn.
Sonymen qatar, halyqaralyq ızdeuge küdıktınıŋ 30 jastaǧy äielı – Aqbaian Mūqanǧalieva, sondai-aq qaitys bolǧan otbasynyŋ kışı qyzy da tırkelgen. Äiel qazırgı uaqytta ıs boiynşa ız-tüssız joǧalǧan adam retınde esepke alynǧan.
QR IIM oqiǧanyŋ män-jaiyn anyqtau üşın şeteldık ärıptesterımen bırlese jūmys jürgızıp jatqanyn habarlady.
