بەلگىلى پروديۋسەر، اكتريسا داريعا بادىقوۆا جۋرناليست نۇرسەيىت جىلقىشىبايعا قارسى سوت پروتسەسىندە جەڭىلىپ قالدى. بۇل تۋرالى ءجۋرناليستىڭ وكىلى، ادۆوكات ينگا يمانباي جازدى، دەپ حابارلايدى «ادىرنا» ءتىلشىسى.
اكتريسا YouTube جەلىسىندەگى سۇحباتتى شىندىققا سايكەس ەمەس دەپ تانۋدى، بەينەروليكتى ءوشىرۋدى، ءجۋرناليستى كوپشىلىك الدىندا كەشىرىم سۇراۋعا مىندەتتەۋدى جانە 4 ملن تەڭگەدەن استام وتەماقى ءوندىرۋدى تالاپ ەتكەن.
ء«بىز داريعا بادىقوۆاعا قارسى سوتتا جەڭىسكە جەتتىك. مەن بۇل ءىستى نۇرسەيىت جىلقىشىبايدىڭ وكىلى رەتىندە جۇرگىزىپ، ونىڭ مۇددەسىن تولىق قورعادىم. سوت بادىقوۆانىڭ بىردە-ءبىر تالابىن قاناعاتتاندىرمادى»، – دەدى ادۆوكات.
بادىقوۆا مورالدىق شىعىن رەتىندە 1 ميلليون تەڭگە، ادۆوكاتقا جۇمسالعان 2,5 ميلليون تەڭگە جانە ساراپتاما جۇرگىزۋگە كەتكەن 802 128 تەڭگەنى وتەۋدى سۇراعان. جالپى تالاپ سوماسى 4 ميلليون تەڭگەدەن اسقان.
«بۇل پروتسەسس مەن ءۇشىن كەزەكتى ءىس ەمەس، ءپرينتسيپتى ماسەلە. ءجۋرناليستىڭ كاسىبي ەركىندىگىن قورعادىم جانە اۆتوردى ءوز شىعارماسىن وشىرۋگە ماجبۇرلەۋگە جول بەرمەۋ قاعيداسىن ۇستاندىم»، – دەپ ءتۇسىندىردى ينگا يمانباي.
ەسكە سالا كەتەيىك، وتكەن جىلدىڭ قازانىندا نۇرسەيىت جىلقىشىباي اكتريسانىڭ بۇرىنعى جۇبايى دارحان مۇساەۆتان سۇحبات العان ەدى. سۇحبات بارىسىندا ول ەكس-ايەلىمەن نە ءۇشىن اجىراسقانى تۋرالى ايتقان بولاتىن.
