21 اقپان كۇنى شىمبۇلاققا بارعان قالا تۇرعىندارى مەن تۋريستەر الاپات داۋىلدىڭ كۋاسى بولدى، دەپ حابارلايدى "ادىرنا" ۇلتتىق پورتالى.
قاتتى سوققان جەلدىڭ اسەرىنەن ارقانجولدار تەربەلىپ، الىپ اعاش قۇلاعان. ۇلكەن اعاش سەرپانتين جولىنا قۇلاپ، كولىكتەردىڭ جۇرۋىنە كەدەرگى جاساعان. الماتى قالالىق توتەنشە جاعدايلار دەپارتامەنتى جولدىڭ تازارتىلعانىن حابارلادى.
“جولدىڭ ءجۇرۋ بولىگى قۇتقارۋ قىزمەتى مەن مەملەكەتتىك ۇلتتىق تابيعي پارك قىزمەتكەرلەرى تاراپىنان تازارتىلدى. قازا تاپقاندار مەن زارداپ شەككەندەر تۋرالى اقپارات تۇسكەن جوق”، – دەپ مالىمدەدى تجد.
قازگيدرومەتتىڭ بولجاۋىنا سايكەس، جەكسەنبى كۇنى قازاقستاننىڭ كوپ بولىگىندە اۋا رايى قولايسىز بولادى.
ۇقساس جاڭالىقتار
