قازاقستاندىقتارعا 36 گرادۋستىق ىستىقتىڭ كەلۋى تۋرالى ەسكەرتىلدى. «قازگيدرومەت» سينوپتيكتەرى 27-29 ساۋىرگە ارنالعان اۋا رايى بولجامىن ۇسىندى، دەپ حابارلايدى "ادىرنا" ۇلتتىق پورتالى.
مەتەورولوگتاردىڭ مالىمەتتەرى بويىنشا، اتلانتيكالىق تسيكلوندىق كەزەڭنىڭ باسىندا رەسپۋبليكادا اۋا تەمپەراتۋراسى 15-26 گرادۋسقا دەيىن، قازاقستاننىڭ وڭتۇستىك بولىگىندە 28-36 گرادۋسقا دەيىن كوتەرىلەدى دەپ كۇتىلۋدە.
«كەزەڭنىڭ سوڭىندا سولتۇستىك-باتىس انتيتسيكلونىنىڭ اۋىتقۋىمەن قازاقستان اۋماعىنىڭ باسىم بولىگىندە اۋا تەمپەراتۋراسى تۇندە، ەلدىڭ سولتۇستىگىندە 3°س ايازدان 5°س جىلىعا، كۇندىز 8-15 °س جىلىعا دەيىن تومەندەۋى مۇمكىن. رەسپۋبليكانىڭ وڭتۇستىك وڭىرلەرىندە كۇندىز تەرمومەتر باعاندارى +20-28 گرادۋسقا دەيىن تومەندەيدى. جاڭبىر جاۋادى، وڭتۇستىك ايماقتاردا نايزاعاي وينايدى، سولتۇستىك ايماقتاردا قار ارالاس جاڭبىر، بۇرشاق جاۋىپ، قاتتى جەل تۇرۋى مۇمكىن", - دەلىنگەن حابارلامادا.
"ادىرنا" ۇلتتىق پورتالى
