اقسۋ قالاسىندا ءيتتى دروتيكپەن اتىپ ولتىرگەن مال دارىگەرى جاۋاپقا تارتىلدى. بۇل تۋرالى ىشكى ىستەر مينيسترلىگىنىڭ Telegram كانالىندا جاريالادى، دەپ حابارلايدى “ادىرنا” ۇلتتىق پورتالى.
الەۋمەتتىك جەلىدە ءيتتىڭ يەسى وقيعانىڭ ءمان-جايىن بايانداعان بولاتىن. ايتۋىنشا، 18 قاڭتاردا قاڭعىباس يتتەردى اتىپ جۇرگەن ماماندار اۋلادان شىقپاعان ءيتىن ءولتىرىپ كەتكەن.
سونداي-اق، ايەل پوليتسيانىڭ شاعىم قابىلداماعانىن مالىمدەدى. بۇل وقيعا اقسۋ قالاسىنا قاراستى قالقامان اۋىلىندا بولعان.
ال ىشكى ىستەر مينيسترلىگى 20 قاڭتاردا قالقامان اۋىلىنىڭ پوليتسيا بولىمىنە ارىز تۇسكەنىن حابارلادى. ايەل ادام ءوزىنىڭ ءيتىن ولتىرگەن بەلگىسىز ادامعا شارا قولدانۋدى سۇراعان.
ۋچاسكەلىك پوليتسيا ينسپەكتورى ماتەريالدى پىسىقتاۋ بارىسىندا 18 قاڭتاردا اقسۋ قالاسىنىڭ ۆەتەريناريا ءبولىمى اۋىل تۇرعىندارىنىڭ ارىزى بويىنشا قاڭعىباس يتتەردى دروتيكپەن اتقانىن انىقتادى.
"وسى فاكتى بويىنشا وق اتقان 24 جاستاعى مال دارىگەرىنە قاتىستى اكىمشىلىك قۇقىق بۇزۋشىلىق تۋرالى كودەكستىڭ 407-2 بابى بويىنشا حاتتاما راسىمدەلدى. وعان 20 اەك (69 مىڭ تەڭگە) كولەمىندە ايىپپۇل سالىندى", - دەيدى پوليتسەيلەر.
ال ماتەريالدىق شىعىندى ءوندىرۋ ماسەلەسى بويىنشا سوتقا جۇگىنۋ كەرەك.
