Foto: yaplakal.com
Almaty oblysy Qarasai audanynda äieldı itter talap ketken. Būl turaly jelıde video tarady, dep habarlaidy "Adyrna".
Oqiǧa 17 aqpanda Qarasai audanyna qarasty Ūmtyl auyldyq okrugınde bolǧan. Aldyn ala mälımet boiynşa, 52 jastaǧy äieldı bır üidıŋ aulasynda itter talap ketken. Zardap şekken azamatşa auyr jaraqat alyp, oǧan medisinalyq kömek körsetılgen.
Almaty oblysy Polisiia departamentınıŋ baspasöz qyzmetı būl derek boiynşa qylmystyq ıs tırkelgenın mälımdedı.
«Qazır sotaldy tergep-tekseru jürgızılıp jatyr. Oqiǧa ornynda polisiia qyzmetkerlerı men jergılıktı atqaruşy organ ökılderı jūmys ısteude», – dedı PD ökılı.
Polisiia 60 jastaǧy küdıktını anyqtaǧan. Ol – itterdıŋ iesı. Mälımetke säikes, jäbırlenuşınıŋ körşısı öz üiınıŋ aumaǧynda şamamen 20–25 it ūstaǧan. Er adam Qarasai audandyq polisiia basqarmasyna jetkızılıp, oǧan qatysty qylmystyq ıs qozǧaldy. Sondai-aq qoǧamdyq tärtıptı būzǧany üşın zaŋ aiasynda äkımşılık jauapkerşılıkke tartylǧan.
